ფეხბურთელთა კონტრაქტების ყველაზე საინტერესო პუნქტები

თარიღი: ნოემბერი 2, 2013

რატომ არ სურდა არუნა კონეს „ლევანტეს“ რიგებში გოლების გატანა? რამდენი გოლია საჭირო იმისთვის, რომ პრემიის სახით იახტა მიიღოთ? რა ღირს 20 წუთით ჩემბერლენის მოედანზე ყოფნა? Fanebi.Com-ი წარმოგიდგენთ ფეხბურთელთა კონტრაქტების ყველაზე საინტერესო პუნქტებს.


ალექს ოქსლეიდ-ჩემბერლენი („არსენალი“ და „საუთჰემპტონი“)
„საუთჰემპტონმა“ „არსენალს“ ალექს ოქსლეიდ-ჩემბერლენი 17 წლის ასაკში 12 მილიონ ფუნტად მიჰყიდა, თან კონტრაქტში ერთი საინტერესო პუნქტი ჩაწერა: თითოეული მატჩისთვის, რომელშიც ოქსლეიდ-ჩემბერლენი 20 წუთზე მეტ ხანს ითამაშებდა, „არსენალის“ ხელმძღვანელობას „წმინდანებისთვის“ დამატებით 10 ათასი ფუნტი უნდა გადაეხადა. ცბიერ არსენ ვენგერს ეკონომიის გაკეთება არასდროს ეშლებოდა. ფეხბურთის ფრანგ სპეციალისტს ოქსლეიდ-ჩემბერლენი მოედანზე 70-ე წუთის შემდეგ შეჰყავდა და კლუბიდან ფინანსების ამ გზით გადინებას ხელს უშლიდა.


მარკინოსი („რომა“ და „კორინთიანსი“)
დედაქალაქურმა კლუბმა პერსპექტიული ბრაზილიელი მცველი იჯარით აიყვანა. 18 წლის ფეხბურთელის იჯარა „რომას“ მხოლოდ 1,5 მილიონი ევრო დაუჯდა. „კორინთიანსისა“ და „რომას“ ხელშეკრულებაში ფეხბურთელის ავტომატური წესით გამოსყიდვის პირობაც ჩაიდო. თუ მარკინოსი „რომას“ რიგებში 8 მატჩში (ან მეტში) 45 წუთზე მეტ ხანს ითამაშებდა, „მგლები“ დამატებით 3 მილიონ ევროს გადაიხდიდნენ და მარკინოსს დაიტოვებდნენ. ფეხბურთელმა იტალიური კლუბის ძირითად შემადგენლობაში ადგილი დაიმკვიდრა და შეთანხმებით გათვალისწინებული მატჩების რაოდენობა ჩემპიონატის პირველივე წრეში ჩაატარა. ამრიგად, „რომამ“ მარკინოსი მხოლოდ 4,5 მილიონ ევროდ ჩაიგდო ხელში, თვითონ კი ფეხბურთელის სანაცვლოდ „პარი სენ-ჟერმენს“ 30 მილიონ ევროზე მეტი გადაახდევინეს.


კარლოს ტევესი („იუვენტუსი“ და „მანჩესტერ სიტი“)
კარლოს ტევესი „იუვენტუსში“ 12 მილიონი ევროს სანაცვლოდ გადავიდა და გუნდისთვის სარგებლიანობის მოტანა მაშინვე დაიწყო. ფეხბურთელს, რომელიც კარიერის დასრულებაზე ფიქრობდა, მეორე სუნთქვა გაეხსნა. ინგლისური კლუბის ხელმძღვანელებმა ივარაუდეს, რომ ტევესი „იუვენტუსს“ დიდ წარმატებებს მოუტანს და გადაწყვიტეს კონტრაქტში პუნქტი ჩაეწერათ, რომლის მიხედვითაც, თუ ტევესი „ბიანკონერის“ რიგებში ჩემპიონთა ლიგის თასს მოიგებს, ტურინელები „ქალაქელებს“ დამატებით 4 მილიონ ევროს გადაუხდიან.


ალბერტო აკვილანი („ლივერპული“ და „მილანი“)
ალბერტო აკვილანი „ლივერპულში“ ნისლიანი ალბიონის დასაპყრობად წავიდა, თუმცა მერსისაიდული გუნდის ხელმძღვანელებზე შთაბეჭდილება ვერ მოახდინა და იტალიაში იჯარის წესით დააბრუნეს. „ლივერპულის“ ბოსებმა ფეხბურთელის სწრაფადვე მოშორება
გადაწყვიტეს და კონტრაქტში ავტომატურად გამოსყიდვის პუნქტი ჩაწერეს. ამისთვის აკვილანის სერია А-ს იმ სეზონში 25 მატჩი უნდა ჩაეტარებინა. „მილანში“ უკვე იმ დროს იყო ფინანსური კრიზისი და ტრანსფერების განხორციელებისთვისაც არ იყო საკმარისი თანხა. ჩემპიონატის დასრულებამდე ოთხი ტურით ადრე იტალიელებს გაახსენდათ „ლივერპულის“ მიერ ჩაწერილი დამატებითი პუნქტი და აკვილანის სათადარიგოთა სკამზე მიუჩინეს ადგილი, აქაოდა, 25 მატჩი არ მოუგროვდესო.


ანდრეი შევჩენკო („მილანი“)
კარიერის პიკზე მყოფ ანდრეი შევჩენკოს სილვიო ბერლუსკონი შეპირდა, თუ სეზონში 25 გოლს გაიტან, იახტას გაჩუქებო. იმ სეზონში ანდრეის 25 გოლამდე მხოლოდ ერთი ბურთი დააკლდა. ბერლუსკონიმ იფიქრა, საცოდაობა არის ამის უსაჩუქროდ დატოვებაო და უკრაინელ თავდამსხმელს იახტა მაინც აჩუქა.


არუნა კონე („ლევანტე“ და „სევილია“)
ჰოლანდიური „პსვ“-დან „სევილიაში“ გადასულმა არუნა კონემ ესპანური კლუბის ხელმძღვანელობაზე შთაბეჭდილება ვერ მოახდინა. კონტრაქტის ბოლო წელს კონე იჯარის წესით „ლევანტეში“ გაასხვისეს. არავინ მოელოდა, მაგრამ კონემ გოლის გოლზე გატანა დაიწყო. კომიკური სიტუაცია იმაში მდგომარეობს, რომ ფეხბურთელს „სევილიასთან“ კონტრაქტი ავტომატურად გაუგრძელდებოდა, თუ ის სეზონში 16 გოლზე მეტს გაიტანდა. კოტ დივუარელ ფეხბურთელს „სევილიაში“ დაბრუნება არ სურდა და მომენტებს სპეციალურად აფუჭებდა, დისკვალიფიკაციებსაც განზრახ იღებდა, რათა გოლების ოდენობა 16 ბურთს არ გადასცდენოდა და „სევილიასთან“ ხელშეკრულება ავტომატურად არ გაგრძელებულიყო.


გარეტ ბეილი („ტოტენჰემი“ და „საუთჰემპტონი“)
გარეტ ბეილის „საუთჰემპტონიდან“ „ტოტენჰემ ჰოთსპურში“ ტრანსფერის დროს, მხარეებმა კონტრაქტში შეიტანეს პუნქტი, რომლის მიხედვითაც, თუ ლონდონური კლუბი ბეილს გაყიდდა, „წმინდანები“ ტრანსფერის ღირებულების 25 პროცენტს მიიღებდნენ, თუმცა მოგვიანებით „საუთჰემპტონს“ ფინანსურად გაუჭირდა და „ტოტენჰემიდან“ რომელიმე ფეხბურთელის გადმოსვლის სანაცვლოდ, ხელშეკრულებიდან ამ პუნქტის ამოღება გადაწყვიტა. „ტოტენჰემმა“ „საუთჰემპტონს“ მეკარე ტომი ფორკასტი მხოლოდ 50 ათას ფუნტად დაუთმო. 2013 წელს „დეზებმა“ ბეილი მადრიდის „რეალს“ 100 მილიონ ევროდ მიჰყიდეს. საბოლოო ჯამში, ისე გამოვიდა, რომ „საუთჰემპტონს“ 25 მილიონი ფუნტის მიღება შეეძლო, თუმცა ხელში 50-ათასფუნტიანი მეკარე შერჩა.

ბექა დოგრაშვილი

მსგავსი სიახლეები
ფეხბურთი

ტიერი ანრი, შესაძლოა, “ბარსელონას” თავკაცის როლზე ვიხილოთ

რონალდ კუმანის მომავალი არასახარბიელო შედეგების ფონზე ბურუსითაა მოცული. კატალონიის “ბარსელონას” დირექტორთა საბჭოში აქტიურად განიხილავენ მწ...
წაკითხვა
ფეხბურთი

სუარესს მატჩის ძირითადი დროის ყოველ წუთზე აქვს გოლი გატანილი

მადრიდის “ატლეტიკომ” ლა ლიგის მე-6 ტურის მატჩში “ხეტაფე” ანგარიშით 1:2 დაამარცხა. ესპანეთის მოქმედი ჩემპიონი გუნდის […]...
წაკითხვა
ფეხბურთი

“სპეციას” ფეხბურთელმა “იუვენტუსისთვის” გატანილი გოლი რონალდუს სტილ

ტურინის “იუვენტუსმა” ზაფხულის სატრანსფერო ფანჯარაზე გუნდის ლიდერი, კრიშტიანუ რონალდუ, “მანჩესტერ იუნაიტედში” გაუშვა. მას შემდე...
წაკითხვა
ფეხბურთი

კუმანი: “მესი ვარჯიშებზე ნამდვილი ტირანი იყო”

კატალონიის “ბარსელონას” მთავარმა მწვრთნელმა, რონალდ კუმანმა, გუნდში ლეო მესის ყოფნის პერიოდი გაიხსენა და მის პროფესიონალიზმს […]...
წაკითხვა
ფეხბურთი

ხოსე ბორდალასი: “ბავშვური შეცდომების გამო წავაგეთ”

“ვალენსიას” მთავარმა მწვრთნელმა ხოსე ბორდალასმა “სევილიასთან” 3-1 მარცხის შემდეგ კომენტარი გააკეთა. “პირველ 20 წუთში სამ...
წაკითხვა
ფეხბურთი

ყატარი მუნდიალზე მონაწილები ფეხბურთელების სავალდებულო ვაქცინირებას ითხოვენ

გავლენიანი უცხოური გამოცემა The Athletic საინტერესო ინფორმაციას ავრცელებს, რომლის მიხედვითაც ყატარის წარმომადგენლები 2022 წლის მსოფლიო […]...
წაკითხვა
ფეხბურთი

ეტო: “რეალს” მსოფლიოში საუკეთესო ცენტრფორვარდი ჰყავს”

კატალონიის “ბარსელონას” ყოფილმა ვარსკვლავმა, სამუელ ეტომ, კარიმ ბენზემას მიმართ საქებარი სიტყვები არ დაიშურა. ფრანგი თავდამსხმელი [&hellip...
წაკითხვა
ფეხბურთი

ლაპორტა კუმანის პრესკონფერენციაზე: “ამაზე არაფერი ვიცოდით, ბოლო წამს გავიგეთ”

რონალდ კუმანმა პრესკონფერენციაზე ჟურნალისტების კითხვაზე პასუხის გაცემის ნაცვლად წინასწარ მომზადებული ტექსტი წაიკითხა და პრესკონფერენციის ოთახი [&helli...
წაკითხვა
ფეხბურთი

რონალდუს დედა: “ჩემი შვილიშვილი ჯერ კიდევ მაშინ იყო მესიზე მაღალი”

“მანჩესტერ იუნაიტედის” ფორვარდ კრიშტიანუ რონალდუს დედამ დოლორეშ ავეირუმ 2017 წლის “ოქროს ბურთის” დაჯილდოების ცერემონიაზე განვი...
წაკითხვა
ფეხბურთი

ხამეს როდრიგესი ყატარში მიდის

ლივერპულის “ევერტონის” ნახევარმცველი ხამეს როდრიგესი კარიერას ყატარში გააგრძელებს. 30 წლის კოლუმბიელი ფეხბურთელი “ალ-რაიანის” ...
წაკითხვა
ფეხბურთი

“ბაიერნმა” “ჩელსის” რიუდიგერის თაობაზე მიმართა

გერმანული გამოცემა “ბილდი” იუწყება, რომ მიუნხენის “ბაიერნი” ლონდონის “ჩელსის” მცველ ანტონიო რიუდიგერით დაინტერესდა...
წაკითხვა
ფეხბურთი

რუსეთის ნაკრების ყოფილი ფეხბურთელი “ფეისბუქს” უჩივის

რუსეთის ნაკრების ყოფილი ფეხბურთელი და დღესდღეობით ვოლგოგრადის “როტორის” მთავარი მწვრთნელი დმიტრი ხოხლოვი “ფეისბუქს” უჩივის. რო...
წაკითხვა
ფეხბურთი

“იუვენტუსის” ფეხბურთელს ფერარით ავტოავარია შეემთხვა (ფოტო)

ტურინის “იუვენტუსის” ნახევარმცველი არტური დღეს დილით ავტოავარიაში მოყვა. ავტოსაგზაო შემთხვევას სერიოზული შედეგები არ მოჰყოლია. გავრცელებულ...
წაკითხვა