ფერდინანდი: “დიბალა სათადარიგო ფეხბურთელია, არ მესმის, რატომ იუარა “მანჩესტერი”
“მანჩესტერ იუნაიტედის” ყოფილი ვარსკვლავი, რიო ფერდინანდი, ერთდროულად გახარებულია და გაკვირვებული პაულო დიბალას გადაწყვეტილებით, რომელმაც “ოლდ ტრაფორდზე” ტრანსფერი იუარა.
“ბოლო წლების მანძილზე “მანჩესტერ იუნაიტედში” გადასვლაზე ბევრმა ფეხბურთელმა თქვა უარი. ისინი სხვა კლუბებზე აკეთებდნენ თავიანთ არჩევანს.
მაგრამ ნამდვილად არ მესმის, რატომ იუარა დიბალამ “მანჩესტერში” გადასვლა, როდესაც “იუვენტუსში” უბრალოდ სათადარიგო ფეხბურთელია. მას სათამაშო პრაქტიკა ახლა ყველაზე მეტად სჭირდება.
ალბათ ფიქრობს, რომ აქ გადმოსვლის შემდეგ ჩემპიონთა ლიგაზე თამაშს ვერ შეძლებს და ამიტომაც სკამზე ჯდომა ურჩევნია.
ნუ, სიმართლე გითხხრათ, მიხარია, რომ არ გადმოვიდა, რადგანაც მას აკლია ის თვისებები, რაც “მანჩესტერის” მოთამაშეს უნდა გააჩნდეს. მინდა ისეთი ფეხბურთელები დავიმატოთ, რომელთა მიზანიც “იუნაიტედისთვის” ძველი დიდების დაბრუნება იქნება,” – აცხადებს ფერდინანდი.
