ფერდინანდი: “ფოდენი საუკეთესოა, ჰოლანდი მის დონეზე ვერ თამაშობს”

“მანჩესტერ იუნაიტედის” ყოფილმა მცველმა, რიო ფერდინანდმა, ჩემპიონთა ლიგის ნახევარფინალში ფილ ფოდენის თამაში გამოარჩია. შეგახსენებთ, რომ “მანჩესტერ სიტიმ” ორმატჩიან დაპირისპირებაში “პარი სენ-ჟერმენი” ანგარიშით 4:1 დაამარცხა.

“დიდი სიამოვნებით ვიტყვი, რომ ფილ ფოდენი მსოფლიოს საუკეთესო ფეხბურთელია ახალგაზრდებს შორის ამ მომენტში. ჰოლანდი მის დონეზე ვერ თამაშობს. დღეს ფილი საუკეთესო ფორმაში იმყოფება.

“მანჩესტერ სიტიმ” სრული დომინირების ხარჯზე შეძლო გამარჯვება. პარიზში გამართული მატჩის მეორე ტაიმი გადამწყვეტი აღმოჩნდა.

რუბენ დიაში და ჯონ სტოუნზი წარმოუდგენლად კარგები იყვნენ, წინ კი ფოდენი და მარეზი აკეთებდნენ თავიანთ საქმეს ზედმიწევნით კარგად. ფერნანდინიო 36 წლის ასაკშიც შესანიშნავია. გუნდმა ძალიან, ძალიან კარგი პერფორმანსი აჩვენა,”- აცხადებს ფერდინანდი BT Sports-თან საუბრისას.