ფერნანდეს ლობემ მამუკა გორგოძეზე ისაუბრა

“ტულონის” არგენტინელმა მორაგბემ, ხუან მარტინ ფერნანდეს ლობემ “კლერმონთან” გამართული შეხვედრის შემდეგ მამუკა გორგოძეზე ისაუბრა და თქვა, რომ ქართველი მოთამაშე გამორჩეული იყო.

შეგახსენებთ, რომ 28 ნოემბერს, გორგოძის, ჩილაჩავასა და მიქაუტაძის “ტულონმა” ზირაქაშვილის “კლერმონი” სტუმრად დაამარცხა.

“მამუკამ შესანიშნავი მატჩი ჩაატარა. არ აქვს მნიშვნელობა, უთამაშებელია თუ არა, ის ყოველთვის გამორჩეულია. მიხარია, რომ მან ფლორიან ფრესიას მსგავსად ითამაშა. რაც შეეხება მომდევნო შეხვედრას, შევეცდები “აჟენი” დავამარცხოთ”, – ციტირებს არგენტინელი მორაგბის სიტყვებს blog-rct.com-ი.