ფერნანდო იეროს წინასამატჩო პრესკონფერენცია ირანთან შეხვედრამდე
20 ივნისს მსოფლიოს ჩეპიონატის ჯგუფური ეტაპის მეორე ტურში ესპანეთი ირანს დაუპირისპირდება. “ფურია როხას” მთავარმა მწვრთნელმა, ფერნანდო იერომ წინასამატჩო პრესკონფერენცია გამართა.
“კარვახალი კარგად გრძნობს თავს. ის გუნდთან ერთად სრული დატვირთვით ვარჯიშობს. დანიმ რეაბილიტაცია დაასრულა. ახლა მთავარია, პორტუგალია დავივიწყოთ და მხოლოდ ირანზე ვიფიქროთ. ეს ჯგუფის მეორე შეხვედრაა, რომელიც ძალიან სახიფათო იქნება. წარსულით არ ვცხოვრობთ, ვაანალიზებთ, ჩვენს გონებაში ვინახავთ იმას, რაც ცოტა ხნის წინ გავაკეთეთ და ახალი თამაშისთვის ვემზადებით. კარლუშ კეიროშს კარგად ვიცნობთ (ირანის მწვრთნელი მადრიდის “რეალში” თამაშობდა, ავტ.). ის ირანის მწვრთნელად უკვე, შვიდი წელია მუშაობს და, რაც მთავარია, საქმე კარგად გამოსდის. მას ვესაუბრე და ეს ჩემთვის სასიამოვნო იყო. ირანი როგორც დაცვაში, ასევე შეტევაში მაღალ დონეზეა: მათ ბოლო 37 მატჩში ცოტა გოლი გაუშვეს და საკმაოდ ბევრი გაიტანეს,” – ამბობს იერო.
