ფერნანდო ტორესი: “სიმეონემ ყველას აჩვენა, რომ ის დიდებული ლიდერია”
მადრიდის “ატლეტიკოს” ესპანელმა შემტევმა, რომელმაც “ნაპოლისთან” გამართულ ამხანაგურ მატჩში (2:1) ძალიან მნიშვნელოვანი გოლის გატანა შეძლო, პრესასთან გუნდის თავკაცზე, დიეგო სიმეონეზე ისაუბრა.
“ყველამ ძალიან კარგად იცის, რომ სიმეონე ჩვენგან ყოველთვის მაქსიმუმს ითხოვს. მწვრთნელიც ისეთივეა, როგორიც ფეხბურთელი იყო. უნდა, რომ ყველა კონცენტრირებული იყოს ვარჯიშზე და დავალებები ზედმიწევნით შევასრულოთ.
მისი კომუნიკაციის უნარი შესანიშნავია, ყველას ძალიან მარტივად აგებინებს თავის ტაქტიკებსა და იდეებს. ვფიქრობ, ის ამით ბედნიერია, რაც ჩვენთვის ძალიან მნიშვნელოვანია. მან ყველა დაარწმუნა, რომ ის დიდებული ლიდერია.
მოხარული ვარ, რომ ფეხბურთელების შენარჩუნება მოვახერხეთ. რთული გუნდების წინააღმდეგ გამარჯვება ამის გარეშე რთული იქნება. ახლა კი ისღა დაგვრჩენია, მწვრთნელის დავალებები ზუსტად შევასრულოთ, მან ყველაფერი იცის,” – აცხადებს ფერნანდო ტორესი.
