ფიგუ ფიფას საპრეზიდენტო კანდიდატებს სატელევიზიო დებატებში იწვევს
თარიღი: მარტი 3, 2015
ლუიშ ფიგუ, რომელიც ფიფას საპრეზიდენტო არჩევნებში კენჭს იყრის, მხარს უჭერს ტელევიზიის საშუალებით კანდიდატთა შორის საჯარო დებატების ეთერში გადაცემის ინიციატივას.
“ფეხბურთი მთელი მსოფლიოს მასშტაბით უყვართ და ქომაგებისთვის ამის გაკეთება აუცილებელია. აუცილებელია, რომ ფიფას სამომავლო მართვაზე ღია და გულახდილი საუბრები გავმართოთ.
მხარს ვუჭერ ტელეარხების ინიციატივას, რომლის მიხედვითაც, კანდიდატთა შორის საჯარო დებატები უნდა გაიმართოს. ოთხოვე კანდიდატმა უნდა მიიღოს მონაწილეობა.
აუცილებელია, ფიფა ახალ გზაზე დავაყენოთ. საზოგადოებას აქვს უფლება, იცოდეს, თუ რას სთავაზობენ კანდიდატები”, – ციტირებს ფიგუს სიტყვებს “ტორონტო სანი”.
ფიფას საპრეზიდენტო არჩევნები მიმდინარე წლის 29 მაისს, შვეიცარიის ქალაქ ციურიხში შედგება.
მსგავსი სიახლეები