ფიფამ ბარსელონას ტრანსფერების განხორციელება აუკრძალა

მსოფლიო ფეხბურთის მმართველმა ორგანომ კატალონიურ კლუბს ახალი მოთამაშეების რეგისტრირება შემდეგ 2 სატრანსფერო ფანჯრის დროს აუკრძალა. გარდა ამისა, “ბარსელონა” 450 ათასი შვეიცარული ფრანკით დაჯარიმდა.

ფიფას ოფიციალურ ვებ-გვერდის ცნობით, ასეთი მკაცრი სასჯელი “ბარსელონას” 10 ახალგაზრდა მოთამაშესთან კანონის დარღვევით გაფორმებული კონტრაქტების გამო დაეკისრა. საუბარია 2009-20013 წლების პერიოდზე.

ფიფას წესების თანახმად, კლუბს 18 წლამდე ასაკის უცხოელი ფეხბურთელების გაფორმება, გარკვეული წესების დაცვით შეუძლია. აღმოჩნდა, რომ “ბარსელონას” აღნიშნული წესები დაურღვევია.

“ბარსასთან” ერთად ესპანეთის ფეხბურთის ფედერაციც დაზარალდა. რომელსაც დარღვევები ასევე ახალგაზრდა მოთამაშეების რეგისტრაციისაც აღმოაჩნდა. ესპანეთის საფეხბურთო კავშირი 500 ათასი ფრანკით დაჯარიმდა.