ფიფამ ჩალმით და ჰიჯაბით თამაში დაუშვა

ფეხბურთის ასოციაციათა საერთაშორისო საბჭომ ფიფასთან ერთად გუშინდელ სხდომაზე ოფიციალურად დაუშვა ფეხბურთის მუსლიმური თავსაბურავებით – ჰიჯაბითა და ჩალმით თამაში.

ახალი წესის მიხედვით, ჰიჯაბის ფერი გუნდის სათამაშო ფორმის ფერს უნდა ემთხვეოდეს.

გარდა ამისა, ფიფამ ფეხბურთელებს სათამაშო ფორმის შიგნით ჩასაცმელ მაისურებზე რაიმე სახის წარწერის გაკეთება აუკრძალა.

„ამიერიდან სათამაშო ფორმის შიგნით ჩასაცმელ მაისურებზე არც რაიმე სახის გამოსახულებისა და არც წარწერის გაკეთება დაშვებული არ იქნება, თუნდაც ეს მეგობრული შინაარსისა იყოს“, – განაცხადა ფიფას გენერალურმა მდივანმა ჟერომ ვალკემ.

ეს წესი ძალაში პირველი ივნისიდან შევა და 2014 წლის მსოფლიოს ჩემპიონატის რეგულაციაზეც გავრცელდება.

ბექა დოგრაშვილი