ფიფას მარტის თვის რეიტინგი გამოქვეყნდა

ფიფას მარტის თვის სანაკრებო რეიტინგი გამოქვეყნდა. სიაში საქართველოს ნაკრებმა წინა თვესთან შედარებით ერთი პოზიციით წინ წაიწია და ახლა ბენინსა და უგანდას შორის 85-ე ადგილი უკავია. საქართველო ევროპულ გუნდებს შორის 38-ე პოზიციაზეა.

რაც შეეხება რეიტინგის ზედა ათეულს, ბრაზილიამ ბელგია უკან ჩამოიტოვა და ახლა სიას “სელესაო” ლიდერობს. აღსანიშნავია მექსიკის პროგრესი, რომელიც წინა თვესთან შედარებით სამი პუნქტით დაწინაურდა და მე-9 ადგილი დაიკავა, რომელზეც მანამდე გერმანია იყო. თავის მხრივ, “ბუნდესგუნდი” მე-12 პოზიციამდე დაქვეითდა.