ფიფას რეიტინგი: საქართველოს ნაკრები პროგრესს განიცდის

14 ივლისს, ფიფა/კოკა-კოლას განახლებული რეიტინგი გამოქვეყნდა. აღსანიშნავია ის ფაქტი, რომ საქართველოს ნაკრები ესპანეთის დამარცხების შემდეგ პროგრესს განიცდის. ”ჯვაროსნებმა” 19 პოზიციით წაიწიეს წინ და 318 ქულით 118-ე ადგილზე არიან.

შეგახსენებთ, რომ გასულ თვეში ვლადიმერ ვაისის შეგირდებმა ორი ამხანაგური მატჩი გამართეს. პირველ შეხვედრაში რუმინეთის ნაკრებთან 1:5 გავნადგურდით, შემდეგ კი ”ფურია როხა” მადრიდში 0:1 დავამარცხეთ.

რაც შეეხება პირველ ათეულს, აქ რამდენიმე ცვლილება მოხდა. ევროპის ჩემპიონატის ტრიუმფატორმა პორტუგალიის ნაკრებმა მე-8 ადგილიდან მე-6-ზე გადაინაცვა, ხოლო ფინალისტი საფრანგეთი მე-17 პოზიციიდან მე-7-ზე აზღევდა.

1. არგენტინა – 1585

2. ბელგია – 1401

3. კოლუმბია – 1331

4. გერმანია – 1319

5. ჩილე – 1316

6 (+2) პორტუგალია – 1266

7 (+10) საფრანგეთი – 1189

8 (-2) ესპანეთი – 1165

9 (-2) ბრაზილია – 1157

10 (+2) იტალია – 1155