ფიფას წარმომადგენელმა მაფიის როლზე ისაუბრა თანამედროვე ფეხბურთში
ფიფას უსაფრთხოების სამსახურის ხელმძღვანელმა, რალფს მუტშკემ გარიგებულ მატჩებთან ბრძოლის შესახებ უამბო ჟურნალისტებს.
“პოლიციაში 33 წელი ვუმუშავე და იგივე საქმიანობას ახლა უკვე ფიფაში ვაკეთებ. გარიგებულ მატჩებში ჩვენ ვგულისხმობთ თაღლითობას, რომელიც საბუკმეიკერო კანტორებს უკავშირდება. ეს ყველაფერი კრიმინალია.
პოლიციიდან წასვლის შემდეგ ჩემი სამსახური დიდად არ შეცვლილა. ერთი განსხვავება ის არის, რომ იარაღი ჩავაბარე. ადრე ნარკოტიკებთან დაკავშირებულ საქმეებს ვიძიებდი. გარიგებული მატჩების დარად, ესეც საკმაოდ სერიოზული დანაშაულია.
სამწუხაროდ, პოლიციაში გარიგებულ მატჩებს დიდი ყურადღებას არ აქცევენ. არც თუ ისე დიდი ხნის წინ, ციურიხში მაფიის ერთ-ერთ წარმომადგენელს შევხვდი, რომელიც ნარკოტიკების გადაზიდვით არის დაკავებული. მან მითხრა, რომ ნარკოტიკების გადაზიდვიდან საფეხბურთო მატჩების ჩაწყობაზე აპირებს გადასვლას, ვინაიდან ნაკლები რისკით იგივე მოგების ნახვა შეეძლო.
ის ადამიანი თანამშრომლობას გვთავაზობდა, თუმცა ინფორმაცია, რომელიც მისგან მივიღე მნიშნვნელვანი არ ყოფილა. ვფიქრობ, ის იმის გაგებას ცდილობდა, თუ რა ინფორმაციას ვფლობთ ჩვენ.
ბევრი ბუკმეიკერი არალეგალურად მუშაობს ე.წ. “შავ ბაზარზე”. ამ მექანიზმების გამოთვლა საკმაოდ რთულია” – განაცხადა მუტშკემ.
