ფლორენტინო პერესი: “ლევანდოვსკი არ მოგვყიდეს, ისევე როგორც პოგბა და მბაპე”

თარიღი: სექტემბერი 13, 2019

მადრიდის “რეალის” პრეზიდენტი, ფლორენტინო პერესი, არაერთხელ გაეხვა ფანების კრიტიკის ქარ-ცეცხლში, რისი მიზეზიც ჩაშლილი ვარსკვლავული ტრანსფერები გახლდათ.

“ყველასათვის ცნობილია, რომ რამდენიმე წლის მანძილზე ვცდილობდით რობერტ ლევანდოვსკის გადაბირებას, თუმცა ის არ მოგვყიდეს. ასეთივე სიტუაცია იყო პოლ პოგბას ტრანსფერის შემთხვევაშიც.

არც კილიან მბაპე მოგვყიდეს. რა თქმა უნდა, ძალიან გაგვიხარდებოდა, ფრანგებს რომ ეთქვათ – “წაიყვანეთ” – მაგრამ ასე ნამდვილად არ მომხდარა,” – ციტირებს “რეალის” პრეზიდენტის სიტყვებს As.

შეგახსენებთ, რომ “რეალიდან” კრიშტიანუ რონალდუს წასვლის შემდეგ, მადრიდულმა კლუბმა მხოლოდ ერთი ხმაურიანი ტრანსფერის განხორციელება შეძლო – დედაქალაქელებმა ედენ აზარი დაიმატეს.

მსგავსი სიახლეები