ფლორენტინო პერესის პირველი კომენტარი სუპერთასის მოგების შემდეგ

მადრიდის “რეალის” პრეზიდენტმა, ფლორენტინო პერესმა, ესპანეთის სუპერთასის ფინალში “ატლეტიკოსთან” გამარჯვების შემდეგ (0:0, პენალტების სერიაში 4:1) პრესასთან მცირე ინტერვიუ ჩაწერა.

“ძალიან ბედნიერები ვართ. ვიცით, რომ პენალტების სერიის მოსაგებად იღბალია საჭირო. ვულოცავ “ატლეტიკოს” – მათ ღირსეული წინააღმდეგობა გაგვიწიეს.

ზიდანს ყველა ფინალი აქვს მოგებული და დიდი იმედი მაქვს, რომ ის კიდევ უფრო მეტ ტიტულს მოგვიტანს.

ტიბო კურტუა სწორედ იმიტომ გადავიბირეთ, რომ მსოფლიოს საუკეთესო მეკარედ მივიჩნევდით. დღეს მან ეს ყველას დაუმტკიცა. რაც შეეხება ვალვერდეს, მან უმნიშვნელოვანესი როლი ითამაშა და “ატლეტიკოს” გოლის გატანის შანსი არ მისცა,” – აცხადებს პერესი.