“ფორმულა 1-ის მანქანას კარტინგის მანქანას ნუ შეადარებთ” – ბენზემა ჟირუსთან შედარებაზე

მადრიდის “რეალის” თავდამსხმელი, კარიმ ბენზემა სოციალურ ქსელ Instagram-ში პირდაპირ ეთერში ჩაერთო და გულშემატკივრების შეკითხვებს უპასუხა.

ერთ-ერთმა გულშემატკივარმა ბენზემას შეკითხვა ოლივიე ჟირუსთან შედარებაზე დაუსვა, “სამეფო კლუბის” ფეხბურთელმა კი მას ასე უპასუხა:

“ნუ შეადარებთ ფორმულა 1-ის მანქანას კარტინგის მანქანას, მე ფორმულა 1 ვარ. ის (ჟირუ) განსაკუთრებულს არაფერს აკეთებს, მაგრამ თავისი პლუსები აქვს. ვინმეს მოსწონს მისი თამაშის სტილი? არ ვიცი…”, – თქვა ბენზემამ.

შეგახსენებთ, რომ ბენზემას საფრანგეთის ეროვნულ ნაკრებში 2016 წლის შემდეგ აღარ იძახებენ, ამის მიზეზი კი ვალბუენასთან დაკავშირებული სკანდალური ამბავია.

Giroud deserves to play ahead of you in the national team?

Benzema: "You don't confuse F1 with go-karting." 😂😂😂😂 pic.twitter.com/FrOwauOIMP

— M•A•J (@Ultra_Suristic) March 29, 2020