ფოთის “კოლხეთმა” “საბურთალო” გაანადგურა, ბათუმის “დინამომ” სტუმრად “დილას” მოუგო

დღეს ეროვნული ლიგის მეორე ტურის შეხვედრები გაიმართა.

ერთ-ერთ მატჩში ფოთის “კოხლეთმა” თბილისის “საბურთალო” მიიღო. პირველ ტაიმში გამოსარჩევი ფაქტი “საბურთალოს” ფეხბურთელის, ზურაბ არზიანის მეორე ყვითელი ბარათი და მოედნის დატოვება იყო. ეს ზუსტად 45-ე წუთზე მოხდა.

მეორე ნახევარში “კოლხეთმა” ათკაციან მეტოქეს სამი გოლი გაუტანა. 59-ე წუთზე ჯანელიძემ გამოიჩნა თავი.13 წუთში ამ მოთამაშემ დუბლი შეასრულა. 81-ე წუთზე არფანგ დაფემ საბოლოო ანგარიში (3:0) დააფიქსირა.

ამ მოგებით მეგრელებს 3 ქულა აქვთ და მე-3 ადგილზე არიან. რაც შეეხება “საბურთალოს”, თბილისლებსაც იმავე რაოდენობის ქულა დაუგროვდათ და მე-6 პოზიციას იკავებენ.

კიდევ ერთი შეხვედრა, რომელიც დღეს გაიმართა, გორის “დილასა” და ბათუმის “დინამოს” ჯახია.

აღნიშნულ მატჩში ერთადერთი გოლის ავტორი აჭარლების ფეხბურთელი, იაროსლავ კვასოვი გახდა. მან მუჯრიშვილის კარის აღება 85-ე წუთზე შეძლო.

საბოლოოდ, “დინამომ” მინიმალური სხვაობით მოიგო.

ამ წაგების შემდეგ გორელებს ერთი ქულა აქვთ და ბოლო პოზიციას იკავებენ. “დინამო” სამი ქულით მეოთხეზეა.