ფრანჩესკო ტოტი — 40 წელი

თარიღი: სექტემბერი 27, 2016

დღეს ლეგენდარულ იტალიელ ფეხბურთელ ფრანჩესკო ტოტის 40 წელი შეუსრულდა.

Totti1

ფრანჩესკო ტოტის “რომას” შემადგენლობაში დებიუტი 1993 წლის 28 მარტს, “ბრეშას” წინააღმდეგ გამართულ მატჩში (0:2) ჰქონდა. მაშინ გუნდს ვუიადინ ბოშკოვი წვრთნიდა. 16 წლის ტოტი მოედანზე მატჩის დასრულებამდე სამი წუთით ადრე შევიდა. სადებიუტო გოლი 1994-1995 წლების სეზონში “ფოჯას” კარში გაიტანა.

Totti2

ფრანჩესკო ტოტიმ კაპიტნის სამლკავური 1998-1999 წლების სეზონში, 22 წლის ასაკში ჩაიბარა. ზდენეკ ზემანის ხელმძღვანელობის პირობებში ტოტიმ თავი ნამდვილ ლიდერად წარმოაჩინა და 1998 წლის ოქტომბერში ბრაზილიელი ალდაირისგან ოფიციალურად ჩაიბარა კაპიტნის სამკლავური. იმ სეზონში ტოტი სერია А-ს საუკეთესო ფეხბურთელად დასახელდა.

Totti3

1996 წელს ფრანჩესკო ტოტი იტალიის ახალგაზრდული ნაკრების შემადგენლობაში ევროპის ჩემპიონი გახდა, ეროვნულ გუნდში კი დებიუტი 1998 წლის ოქტომბერში ჰქონდა. დინო ძოფმა 22 წლის ფეხბურთელი ევრო-2000-ის საკვალიფიკაციო ეტაპზე შვეიცარიის ნაკრების წინააღმდეგ გამართულ მატჩში ბოლო ოცი წუთი ათამაშა.

ჰოლანდიის ნაკრების წინააღმდეგ ევრო-2000-ის ნახევარფინალურ მატჩში ტოტი მოედანზე ძირითადი დროის ამოწურვამდე რამდენიმე წუთით ადრე შევიდა და ყველაფერი გააკეთა, რასაც მისგან მწვრთნელი მოითხოვდა: გააძლიერა თამაში და შემდეგ ანტონიო პანენკას სტილში გადამწყვეტი პენალტიც გაიტანა.

Totti5

ფრანჩესკო ტოტი ევრო-2000-ის ფინალური სტადიის საუკეთესო ფეხბურთელად დასახელდა, თუმცა ინდივიდუალური მიღწევა ფინალურ მატჩში საფრანგეთის ნაკრებთან განცდილმა დასანანმა მარცხმა დაჩრდილა.

2000-2001 წლებში ფრანჩესკო ტოტიმ პირველი და ჯერჯერობით უკანასკნელი სკუდეტო მოიგო. იგი გაბრიელ ბატისტუტასთან და მარკო დელვეკიოსთან ერთად ჩემპიონი გუნდის შეუცვლელი ლიდერი გახლდათ. 1983 წლის შემდეგ პირველად “რომამ” სკუდეტო მოიგო. გუნდმა ჩემპიონის ტიტული “პარმას” წინააღმდეგ გამართულ მატჩში დაისკაუთრა, რომელიც “მგლებმა” ანგარიშით 3:1 მოიგეს, ჩესკომ მაშინაც გაიტანა. მას შემდეგ “რომა” არაერთხელ ყოფილა იტალიის ჩემპიონობასთან ახლოს, თუმცა 2001 წელს მოპოვებული წარმატება ჯერჯერობით მიუღწევლად რჩება.

ფრანჩესკო ტოტის კარიერაში არც იმპულსურ გამოხტომებს მოვისაკლისებთ. არასპორტული საქციელის გამო იტალიელს არაერთხელ მიუღია ყვითელი თუ წითელი ბარათი. ყველაზე დასამახსოვრებელი შემთხვევა კი ევრო-2004-ზე მოხდა, როდესაც ტოტიმ დანიელ ნახევარმცველ კრისტიან პოულსენს ზურგიდან შეაფურთხა. მომენტი ვერავინ შეამჩნია, თუმცა კადრი კამერების ობიექტივში მაინც მოხვდა და ტოტი სამმატჩიანი დისკვალიფიკაციით დასაჯეს, იტალიის ნაკრები კი ჯგუფში ჩარჩა.

2006 წელს ფრანჩესკო ტოტი იტალიის ნაკრებთან ერთად მსოფლიოს ჩემპიონი ხდება. თავად ჩესკომ იმ გუნდში ერთ-ერთი გადამწყვეტი როლი შეასრულა. ტოტიმ ტრავმა მუნდიალზე გამგზავრებამდე ცოტა ხნით ადრე მოიშუშა, ამიტომ ძველებურად თვალწარმტაცი არ ყოფილა, თუმცა ტურნირის სიმბოლურ ნაკრებში მოხვედრა მაინც დაიმსახურა. მალევე, 31 წლის ასაკში ტოტიმ სანაკრებო კარიერის დასრულების გადაწყვეტილებაც მიიღო.

2006-2007 წლების სეზონში ფრანჩესკო ტოტი ოქროს ბუცის მფლობელი ხდება. იმ სეზონს პრობლემების გარეშე არ ჩაუვლია: ტრავმები, დისკვალიფიკაცია, გამოუყენებელი პენალტი, თუმცა გათამაშების ბოლოს ტოტის ოქროს ბუცის სახით ნამდვილი ტრიუმფი ელოდა. 50 მატჩში 32 გოლი გაიტანა და ევროპის საუკეთესო ბომბარდირი გახდა.

Totti10

“ჯალოროსოს” ტიფოზებისთვის ფრანჩესკო ტოტი ნამდვილ ლიდერად ითვლება. ფეხბურთელსა და მწვრთნელებს შორის მომხდარი ნებისმიერი კონფლიქტის შემთხვევაში ფანებმა მხარი ტოტის დაუჭირეს. ტიფოზებმა მას “რომის იმპერატორი” შეარქვეს. ტოტის არაერთხელ ჰქონია ევროპის ტოპ-კლუბებისგან შემოთავაზებები, თუმცა იგი “რომას” ერთგულად რჩება.

2014 წლის სექტემბერში ფრანჩესკო ტოტიმ ჩემპიონთა ლიგაზე “მანჩესტერ სიტის” გაუტანა და მორიგი უნიკალური რეკორდი დაამყარა. იგი გახდა ჩემპიონთა ლიგის ყველაზე ასაკოვანი მეგოლე, თანაც ეს მის პროფესიულ კარიერაში გატანილი მე-300 გოლი გახლდათ.

Totti12

2015 წლის იანვარი, “რომა” “ლაციოსთან” 0:2 აგებს. მეორე ტაიმში ფრანჩესკო ტოტი ორ გოლს იტანს და ანგარიშს ათანაბრებს, ერთ-ერთ გოლს კი ორიგინალურად აღნიშნავს: ფეხბურთელმა სელფი გადაიღო. გარდა ამისა, ტოტი რომაული დერბის საუკეთესო ბომბარდირიც გახდა (11 გოლი).

ფრანჩესკო ტოტი არამხოლოდ “რომას” ფანებს შორის არის პოპულარული. ჩემპიონთა ლიგის 2015-2016 წლების გათამაშებაში მადრიდის “რეალის” ინჩადა “სანტიაგო ბერნაბეუზე” იტალიელ ფეხბურთელს მქუხარე ოვაციით შეეგება.

Totti14

2016 წლის 8 მაისს ფრანჩესკო ტოტიმ სერია A-ში მე-600 მატჩი ჩაატარა. მას მხოლოდ ხავიერ ძანეტი (615 მატჩი) და პაოლო მალდინი (647 მატჩი) უსწრებენ. ტოტის იტალიის ჩემპიონატში 250 გოლი აქვს გატანილი და მხოლოდ სილვიო პიოლეს ჩამორჩება, რომელმაც თავის დროზე 274 გოლი მიითვალა. ზედიზედ 23 სეზონის განმავლობაში ტოტი ჩემპიონატში მინიმუმ ერთ გოლს მაინც იტანს.

Totti15

ფრანჩესკო ტოტი 40 წლისაა, კვლავ მოედანზეა, კვლავ “რომას” ფორმა აცვია და კვლავ იტანს გოლებს, თან აცხადებს, თუ კარგ ფორმაში ვიქნები, კარიერა რატომ უნდა დავასრულოო?! იქვე დასძენს, ბუცების ლურსმანზე დაკიდვის შემდეგ ფეხბურთიდან წასვლას არ ვაპირებო. “რომა” ტოტის და ტოტი ფეხბურთის გარეშე მართლაც წარმოუდგენელია.

მსგავსი სიახლეები
ფეხბურთი

ყველაზე ცუდი 15 წამი ფეხბურთში – რა მოხდა თურქეთის ჩემპიონატში? (ვიდეო)

“გენჩლერბირლიგი” – “ბოლუსფორი” pic.twitter.com/tw9PyYDZS5 — Out Of Context Football (@nocontextfooty) September 26...
წაკითხვა
ფეხბურთი

სამირ ნასრიმ კარიერა დაასრულა

ცნობილმა ფრანგმა ფეხბურთელმა სამირ ნასრიმ 34 წლის ასაკში ბუცები ლურსმანზე დაკიდა. ის ბოლოს ბელგიური “ანდერლეხტის” […]...
წაკითხვა
ფეხბურთი

‘მე რაც შემეძლო გავუკეთე, ახლა აქეთ უნდა გამიკეთოს რეკლამა’ – ჯუღელი ხვი

ყაზანის “რუბინის” გარემარბის, ხვიჩა კვარაცხელიას აგენტმა მამუკა ჯუღელმა 20 წლის ფეხბურთელის გარშემო არსებულ სიტუაციაზე ისაუბრა. […]...
წაკითხვა
ფეხბურთი

ანტონიო რიუდიგერს “რეალში” გადასვლა უნდა

ლონდონის “ჩელსის” მცველ ანტონიო რიუდიგერს თვალი კარისკენ უჭირავს. მიუხედავად იმისა, რომ “ლურჯებს” გერმანელ ფეხბურთელთან შრომით...
წაკითხვა
ფეხბურთი

‘ასეთ დროს მე გადაცემას არ მიკეთებს’ – მბაპე ნეიმარზე (ვიდეო)

25 სექტემბერს, საფრანგეთის ლიგა 1-ში “პარი სენ-ჟერმენმა” საკუთარ მოედანზე “მონპელიე” მიიღო და მეტოქე 2:0 დაამარცხა. […]...
წაკითხვა
ფეხბურთი

პუტინს რუსეთში მსოფლიო ჩემპიონატის ჩატარება კიდევ ერთხელ სურს

რუსეთის ფედერაციის პრეზიდენტი, ვლადიმერ პუტინი, მსოფლიო საფეხბურთო ჩემპიონატის კიდევ ერთხელ მასპინძლობის იდეაზე ფიქრობს. როგორც იცით, […]...
წაკითხვა
ფეხბურთი

სალაჰმა “ლივერპულში” რეკორდი დაამყარა

ინგლისის პრემიერლიგის მეექვსე ტურში “ლივერპული” “ბრენტფორდს” ესტურმა და მეტოქესთან ანგარიშით 3:3 დაზავდა. მერსისაიდელთაგან ერთ...
წაკითხვა
ფეხბურთი

ხორვატი ფეხბურთელი ტრანსფერზე დააყენეს – მიზეზი მოედნის ცენტრში სექსია

დინო დრპიჩი ზაგრების “დინამოსა” და ხორვატიის ნაკრების ყოფილი ფეხბურთელია, რომელმაც კარიერა გასულ წელს, 39 წლის […]...
წაკითხვა
ფეხბურთი

პაოლო მალდინის რეაქცია დანიელის სადებიუტო გოლზე (ვიდეო)

25 სექტემბერი მალდინების ოჯახისთვის მნიშვნელოვანი დღე აღმოჩნდა. მალდინების საფეხბურთო შთამომავლობის მესამე თაობის წარმომადგენელმა, დანიელ მალდინიმ, [&...
წაკითხვა
ფეხბურთი

როგორ შეასრულა ბოლო წუთებზე პენალტი ბრუნო ფერნანდეშმა (ვიდეო)

პრემიერ ლიგის მეექვსე ტურის ეგიდით “ოლდ ტრაფორდმა” “მანჩესტერ იუნაიტედისა” და “ასტონ ვილას” დაპირისპირებას უმასპინ...
წაკითხვა
ფეხბურთი

მამარდაშვილი სკამზე – ბორდალასმა სილესენი დააბრუნა

“ვალენსიას” მთავარმა მწვრთნელმა ხოსე ბორდალასმა “ბილბაოსთან” ძირითად შემადგენლობაში იასპერ სილესენი დააბრუნა და გიორგი მამარდა...
წაკითხვა
ფეხბურთი

“მანჩესტერ სიტიმ” გასვლაზე ლონდონის “ჩელსი” დაამარცხა (ვიდეო)

ინგლისის პრემიერ ლიგის მეექვსე ტური ცენტრალურმა დაპირისპირებამ გახსნა ლონდონის “ჩელსისა” და “მანჩესტერ სიტის” მონაწილეობით. ჩე...
წაკითხვა
ფეხბურთი

რომელ საფეხბურთო აკადემიაში მიიყვანა ხვიჩა კვარაცხელიამ თავისი ძმა?

ბიზნესმენმა ილია კოკაიამ საფეხბურთო გადაცემა “ტაიმაუტში ვლადიმერ გუცაევთან ერთად” “ზესტაფონის” აკადემიაზე ისაუბრა და მათ შორის...
წაკითხვა
ფეხბურთი

“ბარსელონა”: “ჩვენი ტალანტი შოთა არველაძემ აღმოაჩინა”

კატალონიის “ბარსელონამ” თურქული “კაისერისპორიდან” 2 მილიონად 17 წლის ემრე დემირი იყიდა, რომელიც ჯერ “ბარსელონა ბ”-...
წაკითხვა