ფუტსალში საქართველოს ჩემპიონატი დაიწყო

დღეს, სპორტკომპლექს არენა 2-ში საქართველოს ფუტსალის ეროვნული ჩემპიონატი დაიწყო. 2014/15 წლების სეზონში მონაწილეობას 8 გუნდი მიიღებს.

გახსნით შეხვედრაში ერთმანეთს “იბერია სტარის” ნაცვლად მოთამაშე “თბილისი” და “აფხაზეთი” დაუპირისპირდნენ. შეხვედრა თბილისელთა გამარჯვებით, 9-1 დასრულდა.

მეორე მატჩში ერთმანეთის წინააღმდეგ “არმაზი” და “სპარტაკი 2014” წარსდგნენ. შეხვედრა, რომელიც საკმაოდ უხვგოლიანი გამოდგა არმაზელთა დამაჯერებელი გამარჯვებით, 14-6 დასრულდა. განსაკუთრებით საინტერესო და სანახაობრივი მატჩის მეორე ტაიმი გამოდგა.

ხვალ, პირველი ტურის დარჩენილი ორი მატჩი გაიმართება:

10 ოქტომბერი, პარასკევი

12.00-14.00                   IBSU  —  თელასი

14.00-16.00                   გენერალი  —  ფარვანა