პიარკამპანია ბანანით — დანი ალვესის მოქმედება დაგეგმილი იყო

თარიღი: მაისი 6, 2014

წინა კვირის ერთ-ერთ მთავარ თემად „ელ მადრიგალზე“ მომხდარი ამბავი იქცა, როდესაც „ბარსელონას“ მცველ დანი ალვესს „ვილიარეალის“ გულშემატკივარმა ტრიბუნიდან ბანანი ესროლა. ბრაზილიელმა ფეხბურთელმა გადმოგდებული ხილი აიღო და მიირთვა, მეორე დღეს კი მთელი მსოფლიოს მასშტაბით ანტირასისტული კამპანია აგორდა. როგორც ირკვევა, ალვესის ქმედება სპონტანური არ ყოფილა, მან მიზანმიმართულად შეჭამა ბანანი, რადგან ანტირასისტული აქცია სახელწოდებით „ჩვენ ყველანი მაიმუნები ვართ“ – წინასწარ დაგეგმილი იყო.

ესპანური გაზეთი „ასი“ წერს, რომ მსგავსი ინციდენტი „ესპანიოლსა“ და „ბარსელონას“ შორის რამდენიმე კვირის წინათ გამართულ მატჩშიც მოხდა. იმ შეხვედრაში ნეიმარი და დანი ალვესი რასისტული შეძახილებით „შეამკეს“ და ტრიბუნიდან ბანანიც ისროლეს. მომხდარ ინციდენტს ბრაზილიელმა პიარსპეციალისტებმა ყურადღება მიაქციეს და მსგავსი ინციდენტის სათავისოდ გამოყენება გადაწყვიტეს.

ამ საშვილიშვილო საქმეს სააგენტო Loducca-მ მოჰკიდა ხელი, რომელმაც მიიღო გადაწყვეტილება, რომ ბანანის სროლის შემთხვევაში, ფეხბურთელს ის უნდა შეეჭამა. თავდაპირველად ჩაფიქრებული იყო, რომ ამას ნეიმარი გააკეთებდა, ვინაიდან, როგორც წესი, ის ექცევა ხოლმე ყურადღების ცენტრში, თუმცა „ვილიარეალთან“ მატჩში ბანანი დანი ალვესს ესროლეს და ბანანის შეჭმაც ბრაზილიელ მცველს მოუწია.

„მოქმედება უფრო ღირებულია, ვიდრე ნებისმიერი სიტყვა. ჟესტს არ სჭირდება თარგმნა. როგორც დაინახეთ, ამ ქმედებამ მთელი მსოფლიო მოიცვა. ჩაფიქრებული იყო, რომ ბანანს ნეიმარი შეჭამდა, მაგრამ ეს ალვესმა გააკეთა. იდეამ მაინც იმუშავა. ჩვენ შევქმენით ჰეშთეგები #somostodosmacacos და #weareallmonkeys, რომლებმაც რასიზმის წინააღმდეგ სწორი ორიენტირი აიღო. იმედია, მსგავს ფაქტს ანალოგი აღარ ექნება“, – განაცხადა კომპანია Loducca-ს წარმომადგენელმა გუგა კეტცერმა.

საბოლოო ჯამში, რასისტული ქმედების მსხვერპლად თავად ბანანის მსროლელი იქცა. სტადიონის უსაფრთხოების სამსახურმა ხულიგანი რამდენიმე საათში ამოიცნო და მას მთელი სიცოცხლის განმავლობაში „ელ მადრიგალზე“ შესვლა აუკრძალა. თუმცა, მას მხოლოდ ეს არ აკმარეს. ესპანური გამოცემა „ელ პაისი“ წერს, რომ სამშაბათს ბანანის მსროლელი გულშემატკივარი პოლიციამ დააკავა. აქამდე დამნაშავის ვინაობას არ ასახელებდნენ, თუმცა ესპანურმა „მარკამ“ გაარკვია, რომ მას დავიდი ჰქვია, არის 25 წლის, ითვლება „ვილიარეალის“ ოფიციალური ფან-კლუბის წევრად. გარდა ამისა, გამოცემამ ფოტოც მოიპოვა, რომელზეც დავიდი „ვილიარეალის“ პრეზიდენტ ფერნანდო როიგ ალფონსოსთან ერთად არის გამოსახული.

ბექა დოგრაშვილი
ჟურნალი Fanebi.com

მსგავსი სიახლეები
ფეხბურთი

კილიან მბაპეს “პსჟ”-ს დატოვება სურს

“პარი სენ-ჟერმენის” თავდამსხმელმა კილიან მბაპემ კლუბის ხელმძღვანელობას გუნდის დატოვების სურვილის შესახებ აცნობა. ამ ინფორმაციას ესპანური [...
წაკითხვა
ფეხბურთი

კრესპო: ‘სიგიჟეა, მაგრამ “მილანის” ფეხბურთელები ფინალის შემდეგ მირეკავდნ

ვეტერანმა არგენტინელმა თავდამსხმელმა ერნან კრესპომ 2007 წელი გაიხსენა, როცა ათენის ფინალის შემდეგ მას “მილანის” ფეხბურთელები […]...
წაკითხვა
ფეხბურთი

საოცარი ფაქტი “არსენალი” – “დანდალკის” მატჩში

29 ოქტომბერს, ევროპის ლიგის ჯგუფური ეტაპის მეორე ტურში “არსენალმა” საკუთარ მოედანზე “დანდალკი” მიიღო და 3:0 […]...
წაკითხვა
ფეხბურთი

მოურინიო: “იმედი მაქვს, ავტობუსში ყველა ისევეა გულდაწყვეტილი, როგორც მე” (ფოტო

29 ოქტომბერს, ევროპის ლიგის ჯგუფურ ეტაპზე “ტოტენჰემი” სტუმრად ბელგიურ “ანტვერპენს” დაუპირისპირდა და 1:0 დამარცხდა. მატჩის [&he...
წაკითხვა
ფეხბურთი

იბრაჰიმოვიჩი: “მე ვირუსს მოვუგე, მაგრამ შენ ზლატანი არ ხარ”

“მილანის” თავდამსხმელმა, ზლატან იბრაჰიმოვიჩმა კამპანიაში მიიღო მონაწილეობა, რომელიც ლომბარდიის რეგიონში მცხოვრებ ადამიანებს კორონავირუსისა...
წაკითხვა
ფეხბურთი

კრისტიან ვიერი: “როდესაც მესი კარიერას დაასრულებს, ტელევიზორს გადავაგდებ”

იტალიის ნაკრების ყოფილმა თავდამსხმელმა კრისტიან ვიერიმ “ბარსელონას” ლიდერ ლიონელ მესის შესახებ ისაუბრა. შეგახსენებთ, რომ არგენტინელმა [&he...
წაკითხვა
ფეხბურთი

რონალდ კუმანი და ლიონელ მესი “იუვენტუსთან” მატჩის შემდეგ (ფოტო)

28 ოქტომბერს, ჩემპიონთა ლიგის ჯგუფური ეტაპის მეორე ტურში “ბარსელონამ” სტუმრად “იუვენტუსი” 2:0 დაამარცხა. მატჩის დასრულების [&h...
წაკითხვა
ფეხბურთი

რომელმა ხუთმა კლუბმა გამოთქვა კვარაცხელიას დამატების სურვილი ბოლო 3 თვეში

საქართველოს ეროვნული ნაკრებისა და ყაზანის “რუბინის” გარემარბ ხვიჩა კვარაცხელიას აგენტმა მამუკა ჯუღელმა ქართველი ფეხბურთელის კარიერის [&hel...
წაკითხვა
ფეხბურთი

“კაცი მწვრთნელი ქალების გასახდელში უნებართვოდ შედიოდა” – ქართველი ფეხბურ

ორგანიზაცია “პარტნიორობა ადამიანის უფლებებისთვის” განცხადებას აქვეყნებს და სასამართლოში ქალი ფეხბურთელების უფლებებს დაიცავს, რომლებიც სექს...
წაკითხვა
ფეხბურთი

3 წითელი ბარათი, გინება, ნივთის სროლა – არეულობა “თელავი” – “

28 ოქტომბერს, საქართველოს კრისტალბეთ ეროვნული ლიგის მე-14 ტურში “თელავმა” საკუთარ მოედანზე “საბურთალო” მიიღო და ფრედ […...
წაკითხვა
ფეხბურთი

“საბურთალოს” “თელავის” წინააღმდეგ სათადარიგო სკამზე 3 ფეხბურთელი ჰ

ეროვნული ლიგის მე-14 ტურში “თელავი” “საბურთალოს” მასპინძლობს და მე-20 წუთზე ანგარიში 1-1 არის. თბილისელთა მხრიდან […]...
წაკითხვა
ფეხბურთი

დორტმუნდის “ბორუსიას” ხვიჩა კვარაცხელიას ყიდვას სურს!

ცნობილი რუსული გამოცემა Championat-ის ინფორმაციით, დორტმუნდის “ბორუსიას” ხვიჩა კვარაცხელიას შეძენა სურს. “ხვიჩას მიმართ დაინტერესება...
წაკითხვა
ფეხბურთი

ქობულეთის “შუქურას” 6 ფეხბურთელს კორონავირუსი დაუდასტურდა

ქობულეთის “შუქურას” 6 ფეხბურთელს კორონავირუსი დაუდასტურდა და “შუქურასა” და “შევარდენის” გადადებული მატჩი 25 ნოემბე...
წაკითხვა
ფეხბურთი

ვლადიმირ ვაისი: “ხვიჩა კვარაცხელია დორტმუნდის “ბორუსიაში” სათამაშოდ მზად

საქართველოს ნაკრების მთავარი მწვრთნელი, ვლადიმირ ვაისი ხვიჩა კვარაცხელიას დორტმუნდის “ბორუსიაში” შესაძლო ტრანსფერის საკითხს გამოეხმაურა. რ...
წაკითხვა