პიკე: “ამ სამი თავდამსხმელის წინააღმდეგ ყველაზე მეტად მიჭირს თამაში”
“ბარსელონასა” და ესპანეთის ნაკრების მცველმა ჟერარ პიკემ ის სამი თავდამსხმელი დაასახელა, ვის წინააღმდეგაც ყველაზე მეტად უჭირს თამაში.
“პირველ რიგში, დიდიე დროგბა უნდა დავასახელო. იგი ერთ-ერთი საუკეთესო ცენტრალური თავდამსხმელია, ვინც კი ოდესმე მინახავს. მას ყველაფერი აქვს: ძალა, სისწრაფე, შეუძლია თავით თამაში, დრიბლინგი, ორივე ფეხით ურტყამს. დიდიე შესანიშნავი ფეხბურთელია.
შემდეგ დავასახელებ კრიშტიანუ რონალდუს. ვიცი, რა შეუძლია მას, ვინაიდან მის წინააღმდეგ ხშირად მიწევს თამაში. კრიშტიანუ ფეხბურთის ისტორიაში ერთ-ერთი საუკეთესო მოთამაშეა. იგი მეტად მრავაფეროვანი ფეხბურთელია. იცის, როგორ გაიტანოს და როგორი გადაცემა გააკეთოს. მას ყველაფრის გაკეთება შეუძლია.
გამოვყოფ რობერტ ლევანდოვსკისაც. იგი ძალიან ჭკვიანი ფეხბურთელია, ორივე ფეხს კარგად ფლობს, მეორე სართულზეც შესანიშნავად თამაშობს.
ზემოთ ჩამოთვლილი თავდამსხმელების წინააღმდეგ თამაში ყველაზე მეტად მიჭირს, ვინაიდან მათ ყველაფრის გაკეთება და ნებისმიერი წერტილიდან გოლის გატანა შეუძლიათ”, – პიკეს კომენტარს Unscriptd-ი ციტირებს.
