პირველად ჩემპიონთა ლიგის ფინალების ისტორიაში

თარიღი: მაისი 26, 2017

უეფას ჩემპიონთა ლიგის მიმდინარე გათამაშების ფინალური მატჩი კარდიფის “მილენიუმის” სტადიონზე ჩატარდება და ტიტულისთვის ერთმანეთს ტურინის “იუვენტუსი” და მადრიდის “რეალი” შეეცილებიან.

შეხვედრის დაწყებამდე უსაფრთხოების მიზნით არენის სახურავი დაიხურება. ამრიგად, ეს ჩემპიონთა ლიგის პირველი ფინალი იქნება, რომელიც დახურულ სტადიონზე ჩატარდება.

“მილეინიუმის” სახურავი 2 ივნისს გასამართ წინასამატჩო ვარჯიშებზეც დახურული იქნება.

შეგახსენებთ, რომ “იუვენტუსსა” და “რეალს” შორის შეხვედრა 3 ივნისს ჩატარდება და თბილისის დორით 22 საათსა და 45 წუთზე დაიწყება.

მსგავსი სიახლეები