პირველი არხის განცხადება “ტორპედო” – “ლუდოგორეცის” მატჩთან დაკავშირებით

თარიღი: აგვისტო 21, 2018

პირველმა არხმა “ტორპედო” – “ლუდოგორეცის” მატჩთან დაკავშირებით განცხადება გააკეთა. ტელევიზიის ვებ-გვერდის ცნობით, პირველ არხს “ტორპედოდან” ტრანსლაციის უფლების გადმოცემაზე ჯერჯერობით პასუხი არ მიუღია.

“როგორც მოგეხსენებათ, მორიგი წარმატების შედეგად ქუთაისის „ტორპედო“ უეფა-ს ევროპის ლიგის პლეი ოფში გადავიდა და მისი მეტოქე ბულგარეთის საფეხბურთო კლუბი „ლუდოგორეცი“ იქნება. სამწუხაროდ, მოვლენები ისე ვითარდება, რომ ამჟამადაც შესაძლოა, ისეთივე გაუგებრობის წინაშე აღმოვჩნდეთ, როგორც ალბანურ კლუბ „კუკეშთან“ მატჩის დროს, როდესაც ვერ მოხერხდა ალბანეთიდან მატჩის ტრანსლირება. ამის გამო, გულშემატკივართა ერთი ნაწილი, რომელიც არ იცნობდა საქმის ვითარებას, საზოგადოებრივი მაუწყებლის მიმართ გამოთქვამდა უკმაყოფილებას.

რეალურად კი საქმე ის გახლავთ, რომ საქართველოდან საკუთარი მატჩების ტრანსლირების უფლებას ფლობს ქუთაისის „ტორპედო“, რომელმაც „კუკეშთან“ მატჩის საზღვარგარეთ ჩვენების უფლება მიყიდა უცხოურ საშუამავლო კომპანიას, რის გამოც საქართველოს საზოგადოებრივმა მაუწყებელმა ვერ შეძლო ალბანეთის საზოგადოებრივ მაუწყებელთან მატჩების ტრანსლირების გაცვლა. ისევე, როგორც წინა შემთხვევაში, საქართველოს საზოგადოებრივი მაუწყებელი ახლაც მზად არის, სრულიად უსასყიდლოდ გადაიღოს და გადასცეს „ტორპედოს“ საშინაო მატჩი, ასევე გაუცვალოს სიგნალი ბულგარეთის მხარეს, თუმცა ამისთვის საჭიროა ქუთაისის „ტორპედოს“ ხელმძღვანელობის თანხმობა.

ამ მიზნით, 17 აგვისტოდან დღემდე ჩვენ არაერთგზის დავუკავშირდით ქუთაისის „ტორპედოს“ მენეჯმენტს და ვთხოვდით, ეცნობებინათ საკუთარი გადაწყვეტილების შესახებ, თუმცა, ამ დრომდე კლუბი განიხილავს სხვადასხვა წინადადებას. სრული პასუხისმგებლობით ვაცხადებთ, რომ საზოგადოებრივი მაუწყებელი ყოველთვის საკუთარ მოვალეობად მიიჩნევდა მნიშვნელოვანი სპორტული ღონისძიებების ტრანსლირებას და მომავალშიც ასე მოხდება, მაგრამ თუ რომელიმე სუბიექტი გადაწყვეტს ტრანსლირების უფლებების კომერციული მიზნით გამოყენებას და ამ უფლებების მიყიდვას შუამავალი ფირმებისთვის, ჩვენი თხოვნაა, ამის შესახებ სწორი ინფორმაცია მიაწოდონ საზოგადოებას.

დაბოლოს, რეპორტაჟების გაცვლის წინადადებით ჩვენ ასევე მივმართეთ ბულგარეთის მხარეს და მივიღეთ თანხმობა მატჩების ტრანსლაციის გაცვლის შესახებ, თუმცა ქართული კლუბის თანხმობის გარეშე მოლაპარაკება შეუძლებელია. პირველი არხი მზად იყო და არის თანამშრომლობისთვის მხოლოდ ლიცენზიის მფლობელ ორგანიზაციასთან და არა მესამე (გადამყიდველ) კომპანიასთან. პირველი არხი ასევე მზად არის, ყოველთვის უსასყიდლოდ მოემსახუროს საქართველოს გუნდებს და მათი მონაწილეობით ღონისძიებები უჩვენოს გულშემატკივარს.

ჩვენს მიზანს არ წარმოადგენს არც მატჩის კომერციალიზაცია და არც სხვა ფინანსური მოლაპარაკებები, რომელსაც დამოუკიდებლად აწარმოებს კლუბი. გაურკვევლობის თავიდან ასაცილებლად და გულშემატკივრის ინტერესიდან გამომდინარე, ჩვენ ოპერატიულად მოგაწვდით ინფორმაციას ნებისმიერი მოლაპარაკებების შესახებ და ვიმედოვნებთ, რომ გულშემატკივარი ორივე თამაშს იხილავს საზოგადოებრივი მაუწყებლის ან სხვა ქართული მედიაარხის საშუალებით (იმ შემთხვევაში, თუ „ტორპედო“ ასეთ გადაწყვეტილებას მიიღებს). ამჟამად კი, როცა მატჩამდე ორი დღეც კი არ რჩება, ტრანსლაციის უფლების გადმოცემაზე ჩვენ ჯერჯერობით პასუხი არ მიგვიღია”, – ვკითხულობთ განცხადებაში

მსგავსი სიახლეები
ფეხბურთი

“აიაქსის” სტადიონზე რესტორანი მოეწყო (ფოტო)

ამსტერდამის “აიაქსის” სტადიონზე სიახლეა. ამიერიდან “იოჰან კრუიფ არენაზე” უკვე ვახშმის შეკვეთაა შესაძლებელი, პირდაპირ მინდვრის ...
წაკითხვა
ფეხბურთი

საქართველოს პროკურატურა: გიორგი შაქარაშვილი წყალში დახრჩობით გარდაიცვალა

საქართველოს პროკურატურამ გიორგი შაქარაშვილის გარდაცვალების საქმეზე განცხადება გამოქვეყნა და ექსპერტიზის დასკვნა წარადგინა. “ექსპერტიზის დასკვნის...
წაკითხვა
ფეხბურთი

ჩემპიონთა ლიგის 1/4-ფინალური და ნახევარფინალური ეტაპების წილისყრა გაიმართა

დღეს, შვეიცარიის ქალაქ ნიონში, უეფას სათავო ოფისში ჩემპიონთა ლიგის მიმდინარე გათამაშების მეოთხედფინალური და ნახევარფინალური ეტაპების […]...
წაკითხვა
ფეხბურთი

რივალდო: “ბარსელონას” პრობლემა უხარისხო ფეხბურთია და არა ვიდეორეფერი”

ლა ლიგის სეზონის განახლების შემდეგ “ბარსელონამ” “რეალთან” სატურნირო ცხრილში არსებული ორქულიანი უპირატესობა დაკარგა და ახლა [&h...
წაკითხვა
ფეხბურთი

როგორ გამოიყურება მატეია კეჟმანი ამჟამად (ფოტო)

ფეხბურთის გულშემატკივრებს კარგად ემახსოვრებათ მატეია კეჟმანი, რომელიც სხვადასხვა დროს “პსვ ეინდჰოვენში”, “ჩელსიში”, “ატლ...
წაკითხვა
ფეხბურთი

პელეგრინი კარიერას ესპანეთში გააგრძელებს

“მანჩესტერ სიტისა” და მადრიდის “რეალის” ყოფილი თავკაცი, მანუელ პელეგრინი, სამწვრთნელო საქმიანობას “რეალ ბეტისის” მ...
წაკითხვა
ფეხბურთი

გარკვეულია: სად გაიმართება პლეიოფის დარჩენილი მატჩები?

უეფას აღმასრულებელმა კომიტეტმა საკმაოდ საინტერესო გადაწყეტილება მიიღო, რომლის მიხედვითაც ჩემპიონთა ლიგის მერვედფინალური ეტაპის მატჩები ნომინალური [&he...
წაკითხვა
ფეხბურთი

ლევან კუტალია კარიერას ისრაელში გააგრძელებს

31 წლის ქართველი თავდამსხმელი ლევან კუტალია კარიერას თელ-ავივის “ჰაპოელში” გააგრძელებს. კუტალია რამდენიმე დღეში ისრაელში გაემგზავრება [&he...
წაკითხვა
ფეხბურთი

რობინ ვან პერსიმ ოქროს ბურთის სამეული დაასახელა

ბოლო 12 წლის განმავლობაში კრიშტიანო რონალდუმ და ლიონელ მესიმ, საერთო ჯამში, 11 ოქროს ბურთი მოიგეს, […]...
წაკითხვა
ფეხბურთი

გვარდიოლა: “არასოდეს მინახავს მისნაირი ფეხბურთელი”

“ნიუკასლთან” საშინაო კედლებში მოგებული მატჩის (5-0) შემდეგ “მანჩესტერ სიტის” თავკაცმა, პეპ გვარდიოლამ, დავიდ სილვას მიმართ [&h...
წაკითხვა
ფეხბურთი

მილიკი “ნაპოლის” ტოვებს, თუმცა იტალიაში დარჩება

“ნაპოლის” დირექტორთა საბჭოს წევრი ადასტურებს ინფორმაციას, რომლის მიხედვითაც “იუვენტუსის” სამიზნე, არკადიუშ მილიკი, კლუბთან კონ...
წაკითხვა
ფეხბურთი

კლოპი: “ლალანა “ლივერპულის” ლეგენდაა, ის გუნდს ტოვებს”

“ლივერპულის” მთავარმა მწვრთნელმა იურგენ კლოპმა გუნდის ნახევარმცველ ადამ ლალანას შესახებ ისაუბრა, რომელიც ამ სეზონის ბოლოს […]...
წაკითხვა
ფეხბურთი

ბექა ტუღუში “ტორპედოში” დაბრუნდა

31 წლის ნახევარმცველი ბექა ტუღუში ქუთაისის “ტორპედოში” დაბრუნდა. ტუღუში ბოლოს წყალტუბოს “სამგურალში” თამაშობდა, თუმცა სათამაშო...
წაკითხვა
ფეხბურთი

პაიმის პასუხი: “საქართველოს უდიდესი კულტურა და ისტორია გააჩნია”

მარტვილის “მერანის” ბრაზილიელმა ფორვარდმა ფილიპე პაიმმა ბრაზილიურ მედიასთან საქართველოში არსებულ რასიზმზე ისაუბრა და მათ შორის, […]...
წაკითხვა