პირველი ვაქცინა სპორტში – ზურაბ კახაბრიშვილი აიცრა!

თარიღი: მარტი 23, 2021

საქართველოს სპორტული მედიცინის ასოციაციის პრეზიდენტი და ოლიმპიური ნაკრების მთავარი ექიმი, ზურაბ კახაბრიშვილი “ასტრაზენეკას” ვაქცინით COVID 19-ზე აიცრა.

ზურაბ კახაბრიშვილი გახდა პირველი წარმომადგენელი ქართული სპორტიდან, ვინც კოვიდ ვაქცინა ჩაიტარა და მის მოქმედებას საკუთარ თავზე უშუალოდ დააკვირდება.

როგორც ოლიმპიური ნაკრების მთავარი ექიმი აღნიშნავს, მისი გადაწყვეტილება განაპირობა იმ ფაქტორმა, რომ სპორტსმენების ნაწილს აქვს გარკვეული შიში ვაქცინაციასთან დაკავშირებით და ის პირად გამოცდილებას გაუზიარებს ყველა მწვრთნელს, სპორტსმენსა და მედიკოსს.

ზურაბ კახაბრიშვილს კოვიდ ვაქცინაცია ნიკოლოზ ყიფშიძის სახელობის ცენტრალურ საუნივერსიტეტო კლინიკაში, შესაბამისი პროტოკოლის მიხედვით ჩაუტარდა. ვაქცინის გაკეთებიდან 45 წუთის განმავლობაში, სპორტული მედიცინის ასოციაციის პრეზიდენტი მედიკოსთა დაკვირვების ქვეშ იმყოფებოდა.

უნდა აღინიშნოს, რომ ვაქცინაციის შემდეგ, ზურაბ კახაბრიშვილი თავს შესანიშნავად გრძნობდა და არ გამოხატულა არავითარი ცვლილება მის ორგანიზმში.

Georgian Sports Medicine Association

ზურაბ თოიძე

მსგავსი სიახლეები

პირველი ვაქცინა სპორტში – ზურაბ კახაბრიშვილი აიცრა!

“ჩელსი” და ობამეიანგი პირად კონტრაქტზე შეთანხმდნენ

“ბარსელონა” და ბერნარდუ სილვა შეთანხმდნენ

კეილორ ნავასი ხვიჩას თანაგუნდელი ხდება

კავანი “დორტმუნდში” მიდის

“რეალის” თავდამსხმელი “ხეტაფეში” გადავიდა

თორნიკე ოქრიაშვილმა კორეულ კლუბში სამედიცინო შემოწმება ვერ გაიარა