პლატინი: „იმედია, სწორ დროს სწორ გადაწყვეტილებებს მივიღებ“
„ვიცი, რომ თქვენი იმედი უნდა მქონდეს, თქვენ კი იცით, რომ დახმარებისთვის ყოველთვის მზად ვართ. ზუსტად ასეთი ურთიერთობა უფრო ძლიერ ორგანიზაციად გვხდის და სხვადასხვა გადაწყვეტილების მიღებაში ხელს გვიწყობს. დემოკრატია ჩვენს საფირმო ნიშნად უნდა დიდი ხნის წინ იქცა. გარანტიას გაძლევთ, ასეთი გზით მუშაობას უახლოეს ოთხ წელიწადშიც გავაგრძელებთ.
როგორც იცით, ჩემი თავიდან არჩევა იმასაც ნიშნავს, რომ ფიფას ვიცე-პრეზიდენტის პოსტზეც დავრჩები. ჩვენ, ევროპელებს, ძლიერი ფიფას ნახვა გვსურს, რომელსაც პატივს სცემენ.
იმედია, ამ პერიოდში, როგორც თქვენთვის, ასევე ზოგადად ფეხბურთისთვის, სწორ დროს სწორ გადაწყვეტილებებს მივიღებ. მჯერა, რომ მუშაობის გაგრძელებით კვლავ იმ სიამოვნებას მივიღებ, რომელსაც ამ რვა წლის განმავლობაში ვიღებდი. ასეთი ორგანიზაციის პრეზიდენტობა ჩემთვის დიდ პატივზე მეტია. ეს ყოველდღიური სიამოვნებაა. ამისთვის, რასაკვირველია, კიდევ ერთხელ მადლობას გიხდით“, – განაცხადა პლატინიმ.
