“პლეიოფი” დაიწყო

თარიღი: მაისი 5, 2014

ამას წინათ საინტერესო ფაქტს ჩავუფიქრდი: ევროპის საფეხბურთო საკლუბო ტურნირები ყველა მსურველისთვის გახსნილია. არანაირი შეზღუდვა ქვეყნის, მსოფლიო რეიტინგის ან კლასის მიხედვით იქ არ არის. პრინციპი მარტივია: ოღონდ ითამაშე, საშინაო ასპარეზზე კარგი შედეგი აჩვენე და ყველაზე საუკეთესო შეჯიბრებები შენთვის ღიაა. ბუბა კიკაბიძე რომ მღერის  “კაცი იყავ კაცური და სადაც გინდა იქ ილოცეო” – დაახლოებით ეგრეა. სარაგბო ტურნირები კი, პირიქით, საშინლად ჩაკეტლი და (ჩემი აზრით) უსამართლო პრინციპით ტარდება: რამდენიმე ჯილა ქვეყანა შეყრის თავის გუნდებს ლოტოტრონში, ჰა-ჰა ერთი-ორი იტალიელიური კლუბიც დაიმატონ და ეგაა შენი “ჩემპიონთა ლიგა”. არც რანგით მეორე ევროპული შეჯიბრება გამოირჩევა გეოგრაფიული მრავალფეროვნებით. მოკლედ ქაჯეთის ციხეა.

და ყველაფერი ამის მიუხედავად… ქართული საფეხბურთო კლუბები ამ სტუმართმოყვარე ტურნირების ძირთად ნაწილამდე მიღწევას ვერ ახერხებენ, სარაგბო კლუბებს კი მომავალი წლიდან ევროპელები თავად ეპატიჟებიან სათამაშოდ. სავარაუდოდ ევროპაში ორი ჩვენებური გუნდი  გავა.

ეს კი, თავის მხრივ, საქართველოს ეროვნულ ჩემპიონატს ორმაგად საინტერესოს ხდის. ევროტურნირებში ჩართვა აუცილებლად გააძლიერებს აქაურ ასპარეზს, აამაღლებს მოტივაციას (რომელიც ისედაც საკმარისია) და გახსნის ახალ პერსპექტივას.

სულაც არ მაქვს იმის ილუზია, რომ ქართული კლუბები ევროტურნირებს ტრიუმფით დაიწყებენ. ისიც კარგი იქნება ბიჭები რაღაც ახალს რომ ნახავენ და, თუდაც მწარე, გაკვეთილს მიიღებენ.

ჰოდა, იმას ვამბობდი… საქართველოს ჩემპიონატი უფრო და უფრო აქტუალური ხდებათქო. ამიტომ გადავწყვიტე, ამ საიტის მკითხველს უმაღლესი ლიგის მატჩებზე მოვუთხრო ხოლმე; მოვუყვე იმის შესახებ, რაც ბოლო ტურის შეხვედრებში მოხდა; ვინ როგორ რაგბის თამაშობს და ვინ რა მდგომარეობაშია. ამ სეზონში ამის გაკეთება ბევრჯერ აღარ მომიწევს, რადგანაც უკვე პლეი ოფი დაიწყო და სულ რამდენიმე შეხვედრა დარჩა, მაგრამ საექსპერიმენტოდ სრულიად საკმარისია.

ეს შესავალი იყო.

მაშ ასე. შაბათს პლეიოფი დაიწყო და  “ნოქ აუთ” რაუნდში გასული ექვსი გუდნიდან ოთხმა უკანასკნელმა ითამაშა. ახლა არ მკითხოთ რატომ ოთხმა და არა ექვსივემო! საქართველოს პირველობა ავსტრალიელების მოგონილი ბატიფეხური სისტემით იმართება, რომელიც, სავარაუდოდ ევროპელმა მისიონერებმა და ადგილობრივმა მჩხიბავებმა საერთო ძალისხმევით შექმნეს. ამაზე სხვა დროს ვილაპარაკოთ…

მოკელდ პირველ საპლეიოფო ტურში “ლოკომოტივი” “ჯიქებს” შეება, “აია” კი “ყოჩებთან” სათამაშოდ ჩამოვიდა. რატომღაც ეს ორივე მატჩი ერთ დროს დაიწყო (ესეც ჩემპიონთა ლიგა ხომ არაა, თქვე დალოცვილებო!) და გულშემატკივრებიც “ავჭალასა” და “შევარდენს” შორის გაიხლიჩნენ.

ეს მძიმე დილემა “ყოჩები” “აიას” სასარგებლოდ გადავწყვიტე. ვიფიქრე უფრო ლაღი თამაში იქნებათქო  და ასეც გამოვიდა –  შეცდომებით და “ფალშებით” სავსე, მაგრამ მაინც მხიარული.

ჯერ იყო და ყოჩების გამთამაშებლებმა არაზუსტი არეკნები დააყარეს მეტოქეს. განსაკუთრებით თემო სოხაძე, სადაც ბურთს დაიჭერდა ეგრევე კარში ურახუნებდა. გაოგნებულმა ირლანდიელმა რეფერიმ ქართულად იკითხა – უკაცრავად, ეს რა სპორტიაო. რა იცის საბრალო კელტმა, რომ ჩვენში რაციონალური თამაში მხოლოდ შიგადაშიგ თუ გამოდის, დანარჩენი დრო თვითშემოქმედებას ეთმობა.

მერე ყველაფერი ოდნავ დამშვიდდა და ანგარიშიც გაიხსნა, სოხაძის ჯარიმას, გოგიშვილის ლელო და სოხაძისავე გარდასახვა მოჰყვა.

ამასობაში ქუთაისელებმაც მოახერხეს გამოფხიზლება და პირველივე საპასუხო შეტევაში 7 ქულა აიღეს.

მერე კვლავ თვითშემოქმედების დრო დადგა. არ ვიცი უცხოელი მსაჯის მოხიბვლას ცდილობდნენ, თუ პუბლიკის, მაგრამ ზედმეტი კი მოსდიოდათ. არც ერთი გუნდი ბურთს არ უფრთხილდებოდა და კარგი ქველმოქმედივით უთმობდა მეტოქეს უაზრო “ოფლოუდებით”. ცალკე საკითხია შეტევების ბოლო ფაზა, როცა ერთი კარგი პასი უნდა გაკეთდეს და ლელო ჯიბეში გაქვს. მაგრამ სწორედ ის ბოლო პასია ხან ალთას რომ მიფრინავს და ხან – ბალთას და… “წავიდან მიქელ გაბრიელთან შენი სამი ჩაფი ღვინო.” ამ ცუდი ბოლო პასის გამო, ორივე გუნდის რამდენიმე ძალიან ლამაზი შეტევა უშედეგოდ დასრულდა.

ბოლოს სოხაძემ ერთი ჯარიმაც გაიტანა და ტაიმი 13:7 მორჩა.

მეორე ნახევარი იმერლებმა აქტიურად დაიწყეს და რამდენჯერმე ახლოსაც იყვნენ მიზანთან, მაგრამ …”სამი ჩაფის ამბავი ხომ გახსოვთ?!”

და მერე “აიას” 10 ნომერი დაემტვრა. რეზი ჯინჭველაშვილი შეიძლება ახალგაზრდაა, მაგრამ თუკი მისი გუნდი თამაშობდა ერთ-ერთი “დამნაშავე” სწორედ ის იყო. საერთოდ ეს ბიჭი იმ მორაგბეთა რიცხვს განეკუთვნება, რომელზე გინდა რომ თქვა – “ეს დიდ რაგბის ითამაშებს”. მაგრამ იმ დღეს რეზის არ გაუმართლა, ჯერ ხომ ტრავმა მიიღო, შმედეგ კი დაახლოებით 20  წუთი მოუწია ტკივილით სასწრაფო დახმარების ლოდინი. აქ ირლანდიელმა მსაჯმა მეორედ ამოიკვნესა ქართულად: ” მიხედეთ ბავშვს, ცოდოაო”.

“აიამ” კი თამაში ვეღარ დაალაგა და, როცა მეტოქეზე წნეხი ყველაზე მეტად უნდა გაეზარდა (ანუ მატჩის ბოლო მეოთხედში) აქეთ მიიღო ლელო და ყველაფერი ცხადი გახდა. საქართველოს პირველობას არათბილისური გუნდი აღარ შემორჩა (“ყოჩები” კი ასპარეზობენ ბოლნისის სახელით, მაგრამ მე ხომ ვიცი რანაირი ბოლნისელებიც არიან) და ბზის თასი თბილისური გარჩევის საქმე გახდა.

ყოჩებმა 20:7 გაიმარჯვეს და ასპარეზობას აგრძელებენ. მათი მომდევნო მეტოქე თბილისის ლოკომოტივი იქნება, რომელმაც “ჯიქებთან” შეხვედრა ფრედ 19:19 დაასრულა და მატჩში მეტი ლელოს გატანისთვის მომდევნო ეტაპის საგზური მოიპოვა. ამ წესსაც შევედავებოდი ჩემი ნება რომ იყოს: ცოდოა იმ გუნდის წაგებულად გამოცხადება, რომელმაც მეტოქესთან თანაბარი ქულები მოაგროვა. სულ მცირე, დამატებით დროს მაინც იმსახურებს, მაგრამ რას გაუგებ ავსტრალიელ მჩხიბავებს…

მომდევნო ტური დამდეგ უქმეებზეა. მოდით!

მსგავსი სიახლეები
ფეხბურთი

ჩემპიონთა ლიგა: პირველი სათამაშო დღე (ვიდეომიმოხილვა)

უეფას ჩემპიონთა ლიგის 2020-2021 წლების სეზონის ჯგუფური ეტაპის პირველი სათამაშო დღის მატჩები გაიმართა.   E […]...
წაკითხვა
ფეხბურთი

მარკუს რეშფორდის გოლი “პარი სენ-ჟერმენის” კარში (ვიდეო)

იხილეთ ვიდეო Marcus Rashford's goal to make it 2-1#MUFC pic.twitter.com/uOsQUFNu3F — DILLINGER 👹 (@DillanMUFC) October […]...
წაკითხვა
ფეხბურთი

ბრუნო ფერნანდეშის პენალტი “პარი სენ-ჟერმენის” წინააღმდეგ (ვიდეო)

იხილეთ ვიდეო Bruno Fernandes gets his penalty ❤️#PSGMUN #UCL FOLLOW @LIVESTREAM_102 pic.twitter.com/g7RhxTXnPc — SportCentre (Livestream) [&hell...
წაკითხვა
ფეხბურთი

ბრუნო ფერნანდეშის რეაქცია, როცა გაიგო, რომ პსჟ-სთან მატჩში გუნდს ის უკაპიტნებს

დღეს, ჩემპიონთა ლიგის ჯგუფურ ეტაპზე “პარი სენ-ჟერმენი” საკუთარ მოედანზე “მანჩესტერ იუნაიტედს” დაუპირისპირდება. მანჩესტერელებს ...
წაკითხვა
ფეხბურთი

ვენგერი: “ვან პერსის “არსენალში” დაბრუნება სურდა, თუმცა ეს უკვე შეუძლებე

ლონდონის “არსენალის” ყოფილმა მენეჯერმა არსენ ვენგერმა თავის ავტობიოგრაფიულ წიგნში რობინ ვან პერსის შესახებ ისუაბრა. “2012 […]...
წაკითხვა
ფეხბურთი

“მანჩესტერ იუნაიტედმა” სერხიო რომეროს საჩემპიონთალიგო განაცხადში არშეყვანა წინ

“მანჩესტერ იუნაიტედის” კიპერ სერხიო რომეროს სატრანსფერო ფანჯრის უკანასკნელ დღეს ლივერპულის “ევერტონში” განათხოვრების წესით გად...
წაკითხვა
ფეხბურთი

სად და როდის გაიმართება საქართველო – ჩრდილოეთ მაკედონიას ფინალი?

8 ოქტომბერს, ევრო 2020-ის პლეი-ოფის ნახევარფინალში საქართველოს ეროვნული ნაკრები “დინამო არენაზე” ბელარუსს დაუპირისპირდა. მატჩის ბედი [&hel...
წაკითხვა
ფეხბურთი

ედინსონ კავანიმ აღიარა, რომ კარიერის დასრულებასთან იყო ახლოს

ედინსონ კავანი, რომელიც ზაფხულის სატრანსფერო ფანჯრის ბოლო დღეს “მანჩესტერ იუნაიტედში” აღმოჩნდა, აღიარებს, რომ კარიერის დასრულებასთან [&hel...
წაკითხვა
ფეხბურთი

ოფიციალურად: ედინსონ კავანი “მანჩესტერ იუნაიტედის” ფეხბურთელია

ურუგვაელი თავდამსხმელი ედინსონ კავანი “მანჩესტერ იუნაიტედში” ითამაშებს. მხარეებს შორის გაფორმებულ შრომით ხელშეკრულებას ძალა 2021 წლის [&he...
წაკითხვა
ფეხბურთი

ჟოზე მოურინიოს “ტოტენჰემმა” “მანჩესტერ იუნაიტედი” მიწასთან გაასწორ

პრემიერ ლიგის მეოთხე ტურის ცენტრალურ მატჩს “ოლდ ტრაფორდმა” უმასპინძლა. “ოცნებების თეატრს” ნაცნობი მწვრთნელი, ჟოზე მოურინიო, [&...
წაკითხვა
ფეხბურთი

ედინსონ კავანი “მანჩესტერ იუნაიტედში” მიდის

ურუგვაელი თავდამსხმელი ედინსონ კავანი კარიერას, სავარაუდოდ, ინგლისის პრემიერლიგაში გააგრძელებს. “ბიბისის” ცნობით, 33 წლის ფეხბურთელი კვირა...
წაკითხვა
ფეხბურთი

“მანჩესტერ იუნაიტედი” ოკამპოსის ტრანსფერზე მუშაობს

“მანჩესტერ იუნაიტედის” ხელმძღვანელები სატრანსფერო ფანჯრის დახურვამდე კიდევ ერთი ტრანსფერის განხორციელებას გეგმავენ. ESPN-ის ცნობით, მათი ა...
წაკითხვა
ფეხბურთი

ევროპის ლიგის გასული სეზონის საუკეთესო ფეხბურთელი დასახელდა

დღეს უეფას ევროპის ლიგის ჯგუფური ეტაპის წილისყრის ცერემონიაზე გასული გათამაშების საუკეთესო ფეხბურთელი დაასახელეს, რომელიც მილანის […]...
წაკითხვა
ფეხბურთი

ესპანური პრესა: უსმან დემბელეს პრემიერ ლიგაში ვიხილავთ

კატალონიის “ბარსელონას” შემტევი ნახევარმცველი, უსმან დემბელე, ინგლისის პრემიერ ლიგაში გადაბარგებასთან ახლოსაა. ინფორმაციას პოპულარული ესპა...
წაკითხვა