პოჩეტინო: “ლიგის მოგებაზე ვოცნებობთ, რისთვისაც დრო და ინვესტიცია გვჭირდება”
“პარი სენ-ჟერმენის” მთავარმა მწვრთნელმა, მაურისიო პოჩეტინომ, ჩემპიონთა ლიგაზე “მანჩესტერ სიტისთან” გასამართი მატჩის წინ პრესკონფერენცია გამართა. როგორც იცით, პარიზში ლეო მესისა და სერხიო რამოსის გადაბარგების შემდეგ “პსჟ” ლიგის მოგების ერთ-ერთ მთავარ ფავორიტად ითვლება.
“ფაქტია, რომ ჩვენი გუნდის მშენებლობა ახალი დაწყებულია. ეს მხოლოდ მოსაზრება არ არის. განსახილველი არაფერია, გონივრულად უნდა მოვიქცეთ.
“მანჩესტერ სიტი” მსოფლიოს საუკეთესო მწვრთნელის, პეპ გვარდიოლას, ხელმძღვანელობით მოქმედებს. მათ კლუბს ჩემპიონთა ლიგის მოგება სურთ, მაგრამ ტიტულის მოგების შანსი კიდევ 15 კლუბს აქვს.
ჩემპიონთა ლიგის მოგება ჩვენი ოცნებაა. ჩვენი კლუბი 50 წლისაა და ყოველთვის ცდილობდა საუკეთესოთა შორის ჩვენი თავის დამკვიდრებას. ეს პროცესი დროსა და ინვესტიციას მოითხოვს.
ამ გზაზე “მანჩესტერ სიტი” “პარი სენ-ჟერმენზე” წინ არის, მაგრამ ერთ მატჩში ყველაფერი შეიძლება მოხდეს. ვეცდებით, რომ მათი სისუსტეები ვიპოვოთ და გამოვიყენოთ ჩვენი სიძლიერეები,” – აცხადებს პოჩეტინო.
