პოჩეტინო: “დაუჯერებელია, რომ 2022 წელს ამას ვხედავთ”
“პარი სენ-ჟერმენის” მთავარმა მწვრთნელმა მაურისიო პოჩეტინომ მადრიდის “რეალთან” განცდილი მარცხის შემდეგ კომენტარი გააკეთა.
როგორც იცით, მერვედფინალური ეტაპის პირველ მატჩში პარიზელებმა “რეალი” შინ 1:0 დაამარცხეს, გუშინ ჩატარებულ განმეორებით შეხვედრაში კი მადრიდელებმა “ბერნაბეუზე” 3:1 იმარჯვეს. მეოთხედფინალის საგზური კარლო ანჩელოტის გუნდმა მოიპოვა.
არგენტინელმა სპეციალისტმა აქცენტი “რეალის” პირველ გოლზე გააკეთა და განაცხადა, რომ ბენზემა დონარუმას წინააღმდეგ თამაშის წესებს არღვევდა.
“ვფიქრობ, რომ პირველმა გაშვებულმა გოლმა თამაში შეცვალა. გაოცებული ვარ, რას აკეთებდა ვიდეორეფერი. ჩემი აზრით, დონარუმას წინააღმდეგ თამაშის წესების დარღვევა უნდა დაფიქსირებულიყო. შეუძლებელია, მსაჯის ამ შეცდომაზე არ ვისაუბროთ. ამის მიღება ძალიან რთულია და ვერც დავივიწყებ.
დაუჯერებელია, რომ 2022 წელს ამას ვხედავთ. არ მჯერა. ფეხბურთელები განრისხებულები იყვნენ, ფეხბურთი ემოციაა. დიახ, შეცდომები დავუშვით, მაგრამ როცა ემოციებთან გვაქვს საქმე, თამაშიც იცვლება. ასეთი ეპიზოდის შემდეგ გუნდის მართვა რთულდება. ეს ყველაზე რთული რამაა, რაც შეიძლება მომხდარიყო. შესაძლოა, მსოფლიოს ერთ-ერთ საუკეთესო გუნდთან, მადრიდის “რეალთან” ისედაც წაგვეგო, მაგრამ ეს ასე არ უნდა მომხდარიყო”, – ციტირებს პოჩეტინოს სიტყვებს Goal.Com.
What do you think? It was a foul in this move from Karim Benzema to Donnarumma#PSG #Donnarumma #ChampionsLeague pic.twitter.com/Z8QJoWPF3S
— GNR Sport (@GNRSportNews) March 10, 2022
