პოჩეტინო ფინალში გასვლის შანსებზე: “ფეხბურთში რწმენა ყველაზე მნიშვნელოვანია”

ჩემპიონთა ლიგის ნახევარფინალური ეტაპის პირველ მატჩში “პარი სენ-ჟერმენი” საშინაო არენაზე “მანჩესტერ სიტისთან” დამარცხდა (1:2). მატჩის შემდეგ პარიზული კლუბის თავკაცმა, მაურისიო პოჩეტინომ, პრესასთან ისაუბრა.

“ორი სრულად განსხვავებული ტაიმი ვიხილეთ. პირველ ნახევარში ყველაფერი კარგად იყო. ძალიან ბევრი მომენტი შევქმენით და გოლიც დამსახურებულად გავიტანეთ.

მატჩის მეორე ნახევარში კი მეტოქე ჩვენზე უფრო კარგად თამაშობდა. ორივე გოლი შემთხვევითი იყო, თუმცა საერთო ჯამში, მათ უფრო მეტი მომენტი შექმნეს.

რა თქმა უნდა, ძალიან იმედგაცრუებულები და გულნატკენები ვართ ამ ორი გაშვებული გოლის გამო. ნახევარფინალში ასეთი რამ ძალიან რთული მისაღებია.

ფეხბურთში რწმენა ყველაზე მნიშვნელოვანია. ჩვენ მათ ექვს დღეში შევხვდებით და ყველაფერს გავაკეთებთ სასურველი შედეგის მისაღებად,” – აცხადებს პოჩეტინო BT Sport-ისთვის მიცემულ ინტერვიუში.