პოჩეტინო: “პრემიერ ლიგის ტიტულისთვის ბრძოლას ვაპირებთ!”
დღეს “ჩელსიმ” პრემიერ ლიგის 30-ე ტურში “კრისტალ პალასთან” წააგო, ხოლო ლონდონელების უახლოესმა მდევარმა, თანაქალაქელმა “ტოტენჰემმა” სტუმრად “ბარნლისთან” იმარჯვა, რის შემდეგაც ამ ორ გუნდს შორის სხვაობა ათიდან შვიდ ქულამდე შემცირდა.
გამარჯვების შემდეგ, “სპურსების” მთავარმა მწვრთნელმა, მაურისიო პოჩეტინომ ჟურნალისტებთან ისაუბრა.
“ძალიან ამაყი, ვარ რადგან დაძაბული შეხვედრა მოვიგეთ. ჩვენ ძლიერი ხასიათი გამოვავლინეთ, მინდორზე აგრესიულები ვიყავით. ნამდვილად, ნასიამოვნები ვარ. განსაკუთრებით, მეორე ნახევარი მომეწონა.”
“ეს მოგება ჩვენთვის უმნიშვნელოვანესი იყო! თუ “ჩელსი” წააგებდა, ჩვენ აქ უნდა ვყოფლიყავით და ასეც მოხდა – ჩვენ მას სამი ქულით მივუახლოვდით! მსურს, სეზონის ბოლომდე მინიმუმ ამ ადგილზე ვიყოთ. ჩვენ პრემიერ ლიგის ტიტულისთვის აუცილებლად ვიბრძოლებთ,” – განაცხადა “პოჩემ”.
