პოლონეთში ჩემპიონატის განახლების 5-ეტაპიანი გეგმა მოიწონეს
პოლონეთის ექსტრაკლასასა და ქვეყნის ფეხბურთის ფედერაციის მეთაურების მიერ პოლონური მთავრობისთვის წარდგენილმა გეგმამ ჩინოვნიკების მოწონება დაიმსახურა.
ექსტარკლასას პრეზიდენტმა ჩემპიონატის განახლების 5-ეტაპიანი გეგმა წარადგინა, რომლის შესრულების შემთხვევაშიც, ჩემპიონატი 29 მაისს უნდა განახლდეს.
გეგმის პირველი ეტაპი უკვე დაწყებულია – 20 აპრილს, ჩემპიონატის 16 გუნდის ფეხბურთელებს და მწვრთნელებს თვითიზოლაციაში ყოფნა უბრძანეს. ეს ფაზა ორკვირიანია და სპორტსმენების ჯანმრთელობის მდგომარეობა ყოველდღიურად შემოწმდება.
მეორე ეტაპი 4 მაისიდან დაიწყება, როდესაც ქვეყანაში სპორტული დაწესებულებები გაიხსნება და ფეხბურთელები 6-კაციან ჯგუფებად შეძლებენ ვარჯიშის განახლებას.
მესამე ფაზა საფეხბურთო სკოლების გახსნას ითვალისწინებს, რის შემდეგაც გაიხსნება ფიტნეს კლუბები, დარბაზები და საცურაო აუზები. გეგმის ბოლო ეტაპი კი ჩემპიონატის განახლებაა, რასაც მაისის ბოლოს უნდა ველოდოთ.
შეგახსენებთ, რომ პოლონეთის ჩემპიონატში ასპარეზობს ვაკო გვილია. ქართველი ფეხბურთელის კლუბი სეზონის შეჩერების მომენტში 8-ქულიანი ჰანდიკაპით იმყოფებოდა პირველ ადგილზე.
