პორტუგალიური ლეგიონის ამბები

პორტუგალიის პრიმერას 29-ე ტურში ავთო ებრალიძის “ჟილ ვისენტე” საკუთარ მოედანზე “რიო ავეს” დაუზავდა და წაგებათა სერია შეწყვიტა. ქართველი ფოვარდი მასპინძელთა ძირითადში იყო და მოედანზე 90 წუთი გაატარა. მისი გუნდი კი კვლავ გასავარდნ ზონაში რჩება და სეგუნდაში გავარდნის ერთ-ერთი კანდიდატია.

პორტუგალიური სეგუნდიდან პრიმერისკენ მიიწევს გიორგი მაკარიძის “ფეირენშე”, რომელმაც ზედიზედ მე-8 მატჩი მოიგო და მეორეზე მყოფ “ჩავესს” გაუთანაბრდა. “მარიტიმუს” მეორე გუნდთან შეხვედრაში ქართველი მეკარე სათადარიგოთა შორის იყო.

რანგით მესამე დივიზიონის პლეი-ოფში წარუამტებლად თამაშობს აბაიომი ოვონიკოკოს “მირანდელა”, რომელიც გუშინ “ვარზიმთან” დამარცხდა. შეგახსენებთ, ნიგერიაში დაბადებული შემტევი “გაგრას” და “ზესტაფონის” ღირსებას იცავდა და საქართველოს მოქალაქეა.