პრემიერ ლიგაში მოთამაშე რომელი ფეხბურთელის მაისურია ყველაზე მოთხოვნადი?

პრემიერ ლიგაში მოთამაშე ფეხბურთელების მაისურებიდან ყველაზე პოპულარული “მანჩესტერის” 89 მილიონიანი შენაძენის, პოლ პოგბას მაისურია, რომელმაც გაყიდვების რაოდენობით თვით ზლატანსაც გადაასწრო.

აღსანიშნავია ისიც, რომ ამ კუთხით შედგენილ ტოპ-10-ში მოხვდა პოლ პოგბას თანაგუნდელიც, მარკუს რეშფორდიც, დავიდ დე ხეასა და ზლატანთან ერთად. საბოლოო ჯამში, ამ სიაში ყველაზე მეტი წარმომადგენელი სწორედ “მანჩესტერს” ჰყავს.

ათეულში მოხვდნენ ლონდონური “არსენალის” ლიდერები, ალექსის სანჩესი და მესუტ იოზილიც. “ლივერპულის” ბრაზილიელი ნახევარმცველი, ფილიპე კოუტინიო კი მეხუთე ადგილს იკავებს.

სიაში ასევე მოხვდნენ: დავიდ დე ხეა, სადიო მანე, ედენ აზარი და დიმიტრი პაიეტი.

1. პოლ პოგბა
2. ზლატან იბრაჰიმოვიჩი
3. ალექსის სანჩესი
4. მესუტ იოზილი
5. ფილიპე კოუტინიო
6. დავიდ დე ხეა
7. სადიო მანე
8. დიმიტრი პაიეტი
9. ედენ აზარი
10. მარკუს რეშფორდი