პრემიერ ლიგის ოქროს ბუცი სამმა ფეხბურთელმა გაიყო

პრემიერ ლიგის 2018/19 წლების სეზონის ბომბარდირთა დავა საინტერესოდ დასრულდა. გათამაშების ბოლო ტურში სადიო მანემ “ვულვერჰემპტონის” კარის აღება შეძლო, ობამეიანგმა კი “ბარნლისთან” მატჩში შეასრულა დუბლი.

ასე რომ, მოვლენების ასეთი განვითარების შემდეგ პრემიერ ლიგის ოქროს ბუცის პრიზი სამმა ფეხბურთელმა მიიღო – მოჰამედ სალაჰს, სადიო მანესა და პიერ-ემერიკ ობამეიანგს 22-22-22 გოლი დაუგროვდათ.

გეტყვით იმასაც, რომ ამ ოდენობის გოლების გასატანად ობამეიანგსა და მანეს 36-36 მატჩი დასჭირდათ, ეგვიპტელ სალაჰს კი – 38. ობამეიანგმა ოთხი გოლი გაიტანა თერთმეტმეტრიანიდან, სალაჰმა სამი, ხოლო მანემ – არცერთი.