პრემიერლიგის აგვისტოს თვის საუკეთესონი დაასახელეს

ინგლისის პრემიერლიგის მიმდინარე გათამაშების აგვისტოს თვის საუკეთესო მოთამაშედ ლონდონის “ჩელსის” ნახევარმცველი ედენ აზარი აირჩიეს. 25 წლის ბელგიელმა ფეხბურთელმა ხმათა 41 პროცენტი მოაგროვა და უკან ჩამოიტოვა ანტონიო ვალენსია (“მანჩესტერ იუნაიტედი”, 34 პროცენტი), რაჰიმ სტერლინგი (“მანჩესტერ სიტი”, 17 პროცენტი) და კერტის დევისი (“ჰალ სიტი”, 8 პროცენტი). აზარმა გასულ თვეში სამი მატჩი ჩაატარა და ორი გოლი გაიტანა.

პრემიერლიგის აგვისტოს თვის საუკეთესო მწვრთნელად “მანჩესტერ იუნაიტედის” თავკაცი ჟოზე მოურინიო დასახელდა, რომელმაც ხმათა 40 პროცენტი მიიღო. პორტუგალიელმა სპეციალისტმა ანტონიო კონტეს (“ჩელსი”, 33 პროცენტი), ხოსეპ გვარდიოლას (“მანჩესტერ სიტი”, 14 პროცენტი) და მაიკ ფელანს (“ჰალ სიტი”, 13 პროცენტი) აჯობა. მოურინიო თავკაცობით “მანჩესტერ იუნაიტედმა” აგვისტოში სამი მატჩი ჩაატარა და სამივე გამარჯვებით დაასრულა.