პრემიერლიგის აპრილის თვის საუკეთესონი დასახელდნენ

ინგლისის პრემიერლიგის აპრილის თვის საუკეთესო ფეხბურთელი და მწვრთნელი დაასახელეს.

თვის საუკეთესო მოთამაშედ “ტოტენჰემ ჰოთსპურის” თავდამსხმელი ჰინ მინ სონი დასახელდა. შეგახსენებთ, რომ “დეზებმა” აპრილში ჩატარებული ექვსი მატჩიდან ექვსივე გამარჯვებით დაასრულეს და 16 გოლი გაიტანეს. კორეელმა ფეხბურთელმა აპრილის შეხვედრებში ხუთი გოლი მიითვალა და ერთი შედეგიანი გადაცემა გააკეთა.

აპრილის თვის საუკეთესო მწვრთნელად “ტოტენჰემის” თავკაცი მაურისიო პოჩეტინო დასახელდა. მისი ხელმძღვანელობით გუნდმა აპრილში “ბარნლი” (2:0), “სუონსი” (3:1), “უოტფორდი” (4:0), “ბორნმუთი” (4:0), “კრისტალ პალასი” (1:0) და “არსენალი” (2:0) დაამარცხა.