პრემიერლიგის მატჩებს გასულ სეზონში 800 000 არაბრიტანელი ქომაგი დაესწრო

თარიღი: სექტემბერი 11, 2015

დიდი ბრიტანეთის სტატისტიკის ეროვნული სამსახურის კვლევის თანახმად, გასულ სეზონში ინგლისში მდებარე საფეხბურთო სტადიონებს 800 ათასზე მეტი უცხოელი ტურისტი ესტუმრა, რამაც ბრიტანეთის ბიუჯეტი 684 მილიონი ფუნტით შეავსო. სტუმართა ყველაზე დიდი რაოდენობა მეზობელი ირლანდიიდან შევიდა – 121 000 ადამიანი, მეორე ადგილზეა ნორვეგია 93 000, შემდეგ შვედეთი – 58 000, ოთხეულს კი ამერიკის შეერთებული შტატები ხურავს, საიდანაც ინგლისის სტადიონებს 53 000 ტურისტი ეწვია.

საინტერესოა ისიც, თუ პრემიერლიგის რომელ სტადიონებს სტუმრობდნენ ფეხბურთის არაბრიტანელი გულშემატკივრები ყველაზე დიდი რაოდენობით. როგორც აღმოჩნდა, ამ მხრივ პირველ ადგილზე “მანჩესტერ იუნაიტედის” საშინაო არენა “ოლდ ტრაფორდი” გახლავთ, შემდეგია ლონდონის “არსენალის” “ემირეითსი”, ხუთეულში შედის “ლივერპულის” სტადიონი “ენფილდი”, “ჩელსის” არენა “სტემფორდ ბრიჯი” და ლონდონის “უემბლი”. აღსანიშნავია, რომ მე-8 ადგილზე გავიდა “ფულემის” “ქრეივენ კოტეჯი”. მიუხედავად იმისა, რომ ეს კლუბი პრემიერლიგიდან გავარდა, “ფულემის” საშინაო მატჩებს წლის განმავლობაში დაახლოებით 30 ათასი უცხოელი ეწვია.

Number of overseas fans at Premier League

 

მსგავსი სიახლეები