პრემიერლიგის პრევიუ

პრემიერლიგის გასული ტურის ამბები ჯერ კიდევ განსჯის საგანია. თუმცა დღეს გვიან ღამით ნისლიან ალბიონზე უკვე ახალი ტური იწყება. ვეცდებით ჩვენს პრევიუში ზოგადად მიმოვიხილოთ მომავალი სათამაშო დღის მნიშვნელოვანი ამბები. 

“მანჩესტერის” შანსი

“მანჩესტერ იუნაიტედი” ლივერპულის “ევერტონს” დაუპირისპირდება. მანჩესტერელებმა აშკარად გამოასწორეს თამაშის ხარისხი, სატურნირო მდგომარეობაც ისეთი სავალალო აარ არის, როგრც ეს რამოდენიმე ტურის წინ იყო. თუმცა, ხვალინდელი შეხვედრის მოგების შემთხვევაში, “წითელ ეშმაკებს” ოთხულტან მიახლოვების შანსი აქვთ. მოწინააღმდეგე კი ამ საქმეში მთავარი კონკურენტია. მოიესის ყოფილი გუნდი ძალიან კარგ სეზონს ატარებს. შოტლანდიელმა სპეციალისტმა, მის ნაცვლად მოსულ რობერტო მარტინესს საკმაოდ კარგი მემკივიდრეობა დაუტოვა, რასაც ესპანელმა თავისი საკუთარი ხელწერაც დაუმატა და საბოლო ჯამში ძლიერი, ბრძოლისუნარიანი გუნდი მივიღეთ, რომელიც პრემიერლიგის ლიდერებს არაფერს არ უთმობს.

ბრძოლა პირველობისთვის

ლონდონის “არსენალი” “ემირეითზე” “ჰალ სიტის” მიიღებს. არსენ ვენგერის გუნდი წელს საკმაოდ სტაბილურად ასპარეზობს და ნაკლებად არის სავარაუდო, რომ საშუალო დონის გუნდთან დაკარგოს ქულები. მითუმეტეს საშინაო შეხვედრაში. მაგრამ, ისიც გავიხსენოთ, რომ გასულ ტურში სწორედ ამ საშუალო დონის “ჰალ სიტიმ” “ლივერპულის” დამარცხება მოახერხა.

მეთოფეების მთავარი მდევარი, ლონდონის “ჩელსი” “სთეიდიუმ ოფ ლაითზე” “სანდერლენდს” ესტუმრება. “შავი კატები” როგორც ყოველთვის სახიფათო ზონაში არიან და გადარჩენისთვის იბრძვიან. მოკლედ, მოურინიო ყველანაირად ეცდებიან სამი ქულის წამოღებას.

04/12/13

00:00 “კრისტალ პელასი” – “ვესტ ჰემი”

23:45  “არსენალი” – “ჰალ სიტი”

23:45 “ლივერპული” – “ნორვიჩი”

23:45 “მანჩესტერ იუნაიტედი” – “ევერტონი”

23:45 “საუთჰემპტონი” – “ასტონ ვილა”

23:45 “სტოუკ სიტი” – “კარდიფი”

23:45 “სანდერლენდი” – “ჩელსი”

23:45 “სვანსი” – “ნიუკასლი”

05/12/13

00:00 “ვესტ ბრომვიჩი” – “მანჩესტერ სიტი”

00:00 “ფულემი” – “ტოტენჰემი”