პრემიერლიგის პრევიუ
ეროვნული თასის გათამაშებამ პრემიერლიგის კალენდარში კორექტივები შეიტანა და ტურის გარკვეული ნაწილი გადაიდო. მიუხედავად ამისა, პრემიერლიგის მორიგი სათამაშო დღე რამდენიმე საინტერესო მატჩს გვპირდება.
ვესტ ბრომვიჩი – მანჩესტერ იუნაიტედი
საკუთარ მოედანზე “ვესტ ბრომვიჩმა” თითქმის ყველა ლიდერს დააკარგვინა ქულები, გამონაკლისი მხოლოდ “სიტი” იყო. დღევანდელი მეტოქე კი, ვესტ ბრომვიჩელებმა სულაც გასვლით მატჩში დაამარცხეს. ასეთი შედეგებიდან გამომდინარე, გაკვირვებას იწვევს “ვბა”-ს ახლანდელი სატურნირო მდგომარეობა.
“მანჩესტერ იუნაიტედი” თავისუფალი ვარდნის რეჟიმში აგრძელებს ყოფნას. ჩემპიონთა ლიგაში განცდილი მარცხის შემდეგ საბრძოლო განწყობის გასაუმჯობესებლად დღევანდელ შეხვედრაში გამარჯვება აუცილებელი არის. შეუძლია თუ არა მოიესის გუნდს ამის გაკეთება, ეს უკვე საკითხავია.
კარდიფი – ფულემი
“კარდიფ სიტი სთეიდიუმზე” გასამართი დაპირისპირება ტურის ერთ-ერთი ყველაზე მნიშვნელოვანი მოვლენაა. ორივე გუნდს მოუგებელი სერიის შეწყვეტის საშუალება ეძლევა და რაც მთავარია უშუალო კონკურენტების დაპირისპირებაში გამარჯვებული გადარჩენის შანსს მნიშნელოვნად გაიზრდის.
ვრცელდება ხმები, რომ უელსური კლუბის ბოსი ვინსენ ტანი ფეხბურთელებს საკმაოდ სოლიდურ პრემიებსაც კი უმზადებს. თუმცა, ამ წამახალისებელ საჩუქარს მოთამაშეები მხოლოდ პრემიერლიგაში დარჩენის შემთხვევაში მიიღებენ.
“ფულემში” კი გადასარჩენად ფელიქს მაგათს უხმეს, რომლის თავკაცობით ლონდონელებმა ორი მატჩი გამართეს და გამარჯვების მოპოვება ვერ მოახერხეს. გუშინ ფელიქსმა ისიც აღნიშნა, ასეთი რთული ამოცანა მის კარიერაში ჯერ არ ყოფილა.
ჩელსი – ტოტენჰემი
“ჩელსის” პორტუგალიელი მწვრთნელი ჟოზე მოურინიო პრმიერლიგის მოგების კანდიდატად ყველა ლიდერს თვლის. თავის გუნდზე საუბრისას კი მხოლოდ ტოპ-4-ზე აცხადებს პრეტენზიას. თუ, სეზონის წინ ეს გასაგები იყო, ახლა “არისტოკრატები” ლიდერებიც კი გახდნენ, მაგრამ ჟოზე თავის სტრატეგიას არ ღალატობს.
“ტოტენჰემის” მიზნები ასეთი “ბანალური” არ არის და მხოლოდ ჩემპიონთა ლიგაში მოხვედრით არ შემოიფარგლებმა. მაგალითად, იან ვერტონგენმა განაცხადა, რომ მათი მიზანი მხოლოდ “ლივერპულის” გადასწრება არა არის. დაკონკრეტებისგან ბელგიელმა არ ისურვა და “ჩელსისთან” მოახლოებული მატჩის მნიშნველობაზე ისაუბრა.
08/03/2014
ვესტ ბრომვიჩი – მანჩესტერ იუნაიტედი
ტურის დარჩენილი შეხვედრები მარტის ბოლოს გაიმართება.
