პრიმერა: 22-ე ტურის მიმოხილვა

Fanebi.com წარმოგიდგენთ პრიმერა დივიზიონის 22-ე ტურის მიმოხილვას. 

 ესპანიოლი – ვალენსია

თასის გათამაშებაში განცდილი მარცხსი გამო “ვალენსიამ” რევანშის აღება შეძლო. “ესპანიოლთან” მატჩი საკმაოდ დაძაბული გამოდგდა.

უგოლო პირველი ტაიმის შემდეგ ანგარიშის 65-ე წუთზე გაიხსნა. დაწინაურება “ვალენსიამ” მოახერხა და “ღამურებმა” ეს პიატის გოლით შეძლეს, რომელსაც გაიამ მისცა საგოლე გადაცემა. 20 წუთში სტუმრების უპირატესობა ორამდე დანი პარეხომ გაზარდა, რაზეც “ესპანიოლმა” 89-ე წუთზე სერხიო გარსიას ზუსტი დარტყმი უპასუხა, თუმცა მეტის გაკეთება ბარსელონელებმა ვერ მოასწრეს – 1:2.

ატლეტიკო – რეალი

მადრიდულმა დერბიმ მოლოდინი გაამართლა და ნამდვილ სანახაობად იქცა, რომელსაც დიდი გამოხმაურებაც მოჰყვა. თუმცა, სანახაობა შაბათს მხოლოდ ერთმა გუნდმა, “ატლეტიკომ” შემოგვთავაზა.

დიეგო სიმეონეს შეგირდებმა გათამაების ლიდერს შანსი არ დაუტოვეს და ოთხი უპაუხო გოლით გაანადგურეს.

ანგარიში მე-14 წუთზე ტიაგომ გახსნა, 4 წუთში კი საულმა ულამაზესი გოლით საკუთარი გუნდის უპირატესობა ორბურთიანი გახადა და შესვენებაზეც გუნდები ამ ანგარიშით გავიდნენ. “ატლეტიკომ” მეორე ნახევარშიც შეინარჩუნა აღებული ტემპი და და კასილიასის კარი კიდევ ორჯერ, 67-ე წუთზე გრიზმანის და 89-ზე მანჯუკიჩის დარტყმებით დალაშქრა. მადრიდულ კლუბებს შორის სხვაობა 4 ქულამდე შემცირდა, თუმცა მოვენათა ასეთი განვითარება ყველაზე მეტად “ბარსელონას” აწყობდა.

ბილბაო – ბარსელონა 

მადრიდული შედეგის გათვალისწინებით კატალონიელებს ქულების დაკარგვის უფლება არ ქონდათ და “ბარსელონამ” ამ მისიას თავი განსაკუთრებული პრობლემების გარეშე გაართვა. “ბარსას” ბილბაოში სტუმრობა დიდი ანგარიშით გამარჯვებით დასრულდა.

კატალონიელები მე-15 წუთზე მესიმ დააწინაურა, სუარესმა კი 26-ზე პირველი ტაიმის ანგარიში დააფიქსირა. მეორე ტაიმის 59-ე წუთიდან გუნდებმა 7 წუთიან მონაკვეთში ოთხი გოლი გაცვალეს. ჯერ მიკელ რიკომ შეამცირა სხვაობა, თუმცა დე მარკოს ავტოგოლისა და ნეიმარის გოლის შემდეგ “ბარსამ” სამბურთიანი უპირატესობა მოიპოვა, რომელიც 66-ე წუთზე ადურისმა ორამდე შეამცირა. მაგრამ, მატჩის დასრულებამდე 4 წუთით ადრე პედრომ ბუსკეტსის პასით სტატუს კვო აღადგინა – 2:5 და “ბარსელონა” “რეალს” მხოლოდ ერთი ქულით ჩამორჩება.

ტურის ყველა მატჩი

06.02	23:45	დეპორტივო		2:0		ეიბარი		დაწვრილებით
07.02	19:00	ატლეტიკო		4:0		რეალი		დაწვრილებით
07.02	21:00	ვილიარეალი		2:0		გრანადა		დაწვრილებით
07.02	23:00	ლევანტე		4:1		მალაგა		დაწვრილებით
08.02	1:00	სოსიედადი		1:1		სელტა		დაწვრილებით
08.02	15:00	კორდობა		1:2		ალმერია		დაწვრილებით
08.02	20:00	ხეტაფე		2:1		სევილია		დაწვრილებით
08.02	22:00	ესპანიოლი		1:2		ვალენსია		დაწვრილებით
08.02	23:55	ბილბაო		2:5		ბარსელონა		დაწვრილებით
09.02	23:45	ელჩე		-:-		რაიო ვალეკანო		დაწვრილებით