პრიმერა: 23-ე ტურის მიმოხილვა

Fanebi.com ესპანური პრიმერა დივიზიონის 23-ე ტურის მიმოხილვას წარმოგიდგენთ.

რეალი – დეპორტივო

პრიმერა დივიზიონის 23-ე ტურში მადრიდის “რეალმა” საკუთარ მოედანზე “დეპორტივო” მიიღო.

ბერნაბეუზე გამართული მატჩი მასპინძელთა უპირატესობით წარიმართა და მათივე გამარჯებით დასრულდა. ანგარიში 22-ე წუთზე ისკომ გახსნა, ხოლო მეორე ტაიმში კარიმ ბენზემამ 73-ე წუთზე გატანილი გოლით საბოლოო ანგარიში დააფიქსირა. ფრანგ ფორვარდს საგოლე პასი კრიშტიანუ რონალდუმ გაუკეთა.

ამ გამარჯვებით “რეალმა” ლიდერობა შეინარჩუნა, ხოლო “დეპორტივო” მე-14 პოზიციაზე აღმოჩნდა.

ვალენსია – ხეტაფე

გამარჯვება მოიპოვა ოთხეულში მოსახვედრად მებრძოლმა “ვალენსიამაც”. “ღამურებმა” “მესტალიაზე” “ხეტაფეს” უმასპინძლეს და მატჩი მინიმალური ანგარიშით, 1:0 მოიგეს.

ერთადერთი გოლის ავტორი შეხვედრის 71-ე წუთზე ალვარო ნეგრედო გახდა, რომელმაც ანგარიში პენალტით გახსნა. უშუალო კონკურენტის, “სევილიას” გამარჯვების შემდეგ “ვალენსიასთვის” ამ შეხვედრას უდიდესი მნიშვნელობა ჰქონდა.

ბარსელონა – ლევანტე

დამაჯერებელი გამარჯვება იზეიმა “ბარსელონამაც”, რომელიც საკუთარ კედლებში “ლევანტეს” მასპინძლობდა.

სტუმრების რბევა ბარსელონელებმა პირველ ტაიმში დაიწყეს, რომელიც ნეიმარის და მესის გოლებით მოიგეს. შესვენების შემდეგ არგენტინელმა კიდევ ორჯერ გაიტანა და ჰეთ-თრიკი გაიფორმა. საბოლოო ანგარიში კი ლუის სუარესმა საკმაოდ ეფექტური გოლით დააფიქსირა.

“ბარსელონელებმა” ლიდერ მადრიდის “რეალთან” ერთქულიანი ჩამორჩენა შეინარჩუნეს.

ტურის ყველა მატჩი და ევროპაბეთის კოეფიციენტები

13.02	23:45	ალმერია		2:2		რეალ სოსიედადი		დაწვრილებით
14.02	19:00	სევილია		3:0		კორდობა		დაწვრილებით
14.02	21:00	რეალი		2:0		დეპორტივო		დაწვრილებით
14.02	23:00	გრანადა		0:0		ბილბაო		დაწვრილებით
15.02	1:00	მალაგა		0:2		ესპანიოლი		დაწვრილებით
15.02	15:00	ვალენსია		1:0		ხეტაფე		დაწვრილებით
15.02	20:00	ბარსელონა		5:0		ლევანტე		დაწვრილებით
15.02	22:00	რაიო ვალეკანო		2:0		ვილიარეალი		დაწვრილებით
16.02	0:00	სელტა		2:0		ატლეტიკო		დაწვრილებით
16.02	23:45	ეიბარი		-:-		ელჩე		დაწვრილებით