პრიმერა: 33-ე ტურის მიმოხილვა

თარიღი: აპრილი 27, 2015

Fanebi.com წარმოგიდგენთ ესპანური პრიმერას 33-ე ტურის მიმოხილვას.

ესპანიოლი – ბარსელონა

იმის მოლოდინი, რომ პარიზელებთან მატჩის შემდეგ “ბარსელონა” ძალებს დაზოგავდა ან გამარჯვების მოპოვება გაუჭირდა, მცდარი აღმოჩნდა. კატალონიურ დერბიში “ბარსამ” ესპანიოლი განსაკუთრებული პრობლემების გარეშე, 2:0 დაამარცხა.

ანგარიში მე-17 წუთზე ნეიმარის გოლით გაიხსნა, ზუსტად 8 წუთში კი თავისი გუნდის უპირატესობა ლიონელ მესიმ ორამდე გაზარდა.

აღსანიშნავია, რომ 54-ე წუთზე ხორდი ალბას გაძევების შემდეგ „ბარსელონა“ რიცხობრივ უმცირესობაში დარჩა, თუმცა მატჩის მსვლელობაზე ამას გავლენა არ მოუხდენია. მსაჯის მიერ კომპენსირებულ დროში მეორე ყვითელი ბარათი„ესპანიოლის“ მოთამაშემ ექტორ მორენომაც მიიღო.

ატლეტიკო – ელჩე

გამარჯვება ლიდერთა ჯგუფის კიდევ ერთმა წევრმა, მადრიდის “ატლეტიკომაც” მოიპოვა, რომელიც გასულ ტურში “ელჩეს” მასპინძლობდა.

მიუხედავად რთული საჩემპიონთალიგო მატჩისა, “ატლეტიკომ” “ელჩესთან” განსაკუთრებული პრობლემების გარეშე მოიგო, თუმცა გადამწყვეტი უპირატესობა შესვენების შემდეგ მოიპოვა, როდესაც მადრიდელთა დომინირება ტაბლოზე აისახა.

ანგარიში 55-ე წუთზე ანტუან გრიზმანმა გახსნა, 63-ე წუთზე რაულ გარსიამ საკუთარი გუნდის უპირატესობა ორამდე გაზარდა. საბოლოო ანგარიში კი 77-ე წუთზე იმავე გრიზმანმა დააფიქსირა.

სელტა – რეალი

ვიგოში, რთული და მნიშვნელოვანი მატჩი მოიპოვა “რეალმა”, რომელმაც “სელტას” 4:2 სძლია.

ანგარიში მასპინძლებმა მე-9 წუთზე ნოლიტოს გოლით გახსნეს, მაგრამ უპირატესობა მხოლოდ მე-16 წუთამდე შეინარჩუნეს, სანამ ტონი კროოსი არ გაათანაბრებდა ანგარიშს. “რეალმა” გამათანაბრებელი გოლიდან 8 წუთში წინ გასვლაც მოახერხა, რაც ჩიჩარიტოს გოლის დამსახურება, მაგრამ მალევე მასპინძლებმა სანტი მირას გოლით გაათანაბრეს და პირველი ნახევარიც ფრედ სრულდებოდა, თუმცა ხამეს როდრიგესმა სასტვენამდე 2 წუთით ადრე 2:3 გახადა. საბოლოო ანგარიში მეორე ნახევარში, 69-ე წუთზე დაფიქსირდა, როდესაც ჩიჩარიტომ დუბლი გაიფორმა და შეხვედრის გამარჯვებულიც გამოავლინა.

ტურის ყველა მატჩი

24.04	22:45	კორდობა	0:1	ბილბაო	დაწვრილებით
25.04	18:00	ესპანიოლი	0:2	ბარსელონა	დაწვრილებით
25.04	20:00	ატლეტიკო	3:0	ელჩე	დაწვრილებით
25.04	22:00	ხეტაფე	0:1	ლევანტე	დაწვრილებით
25.04	23:55	სოსიედადი	0:0	ვილიარეალი	დაწვრილებით
26.04	14:00	მალაგა	1:1	დეპორტივო	დაწვრილებით
26.04	19:00	ალმერია	2:0	ეიბარი	დაწვრილებით
26.04	21:00	სევილია	2:0	რაიო ვალეკანო	დაწვრილებით
26.04	23:00	სელტა	2:4	მადრიდის რეალი	დაწვრილებით
27.04	22:45	ვალენსია	-:-	გრანადა	დაწვრილებით