პრიმერა დივიზიონის მიმოხილვა

“რეალის” ზედიზედ მეორე მარცხი, “ბარსას” მეორე პოზიცია და დიეგო კოსტას გოლით მოპოვებული ლიდერობა. 

რეალის ჩავარდნა 

სულ რაღაც ერთი კვირის წინ, ყველა “რეალის” ჩემპიონობას პროგნოზირებდა. მაგრამ ზედიზედ ორი მარცხის შემდეგ, მადრიდელები ცხრილში მესამე პოზიციაზე ჩამოქვეითდნენ. კრიზისზე საუბარი ჯერ ნაადრევია, მაგრამ ფაქტია, რომ გასულ ორ შეხვედრაში ანჩელოტის გუნდი ძველებურად ვერ ბრწყინავდა.

“სევილიასთან” მადრიდელებმა რონალდუს გოლით გახსნეს ანგარიში და მიუხედავად იმისა, რომ ბაკამ წონასწორობა სულ რაღაც 5 წუთში  აღადგინა წონასწორობა, მატჩის მიმდინარეობასაც სწორედ სტუმრები აკონტროლებდნენ. თუმცა, დაახლოებით მე-60 წუითან “რეალმა” ინიციატივის დათმობა დაიწყო. 72-ეზე კი, ბაკამ რაკიტიჩის შესანიშნავი თამაშის შემდეგ დუბლი გაიფორმა და საბოლოო ანგარიშიც დააფიქსირა.

ბარსამ 3 ქულა მოიპოვა, მაგრამ ვალდესი დაკარგა

“სანტიაგო ბერნაბეუზე” მოპოვებული შესანიშნავი გამარჯვების შემდეგ “ბარსელონამ” საკუთარ მოედანზე “სელტას” უმასპინძლა და განსაკუთრებული პრობლემების გარეშე დაამარცხა.

ნეიმარის  და მესის გოლებმა პირველ ტაიმში გადაწყვიტეს მატჩის ბედი. შესვენების შემდეგ ბრაზილიელმა დუბლი გაიფორმა და საბოლოო ანგარიშიც დააფიქირა. მატჩის მთავარი მოვლენა კი, 23-ე წუთზე მოხდა. აუგუსტო ფერნანდეის შესრულებული საჯარიმოს შემდეგ ბურთისთვის ბრძოლაში ჩართულმა ვალდესმა მარჯვენა ფეხის ტრავმა მიიღო და შესაცვლელი გახდა. როგორც მატჩის შემდეგ გაირკვა დაზიანება საკმაოდ სერიოზულია და ვალდესი დაახლოებით ექვს თვეს გამოტოვებს…

ატლეტიკოს საჩემპიონო ხასიათი

მადრიდელები საკუთარ თამაშს “ბარსელონას” და “სელტას” შეხვედრის შემდეგ ატარებდნენ. მიუხედავად დიდი ფსიქოლოგიური ზეწოლისა სიმეონეს შეგირდებმა საჩემპიონო ხასიათის გამოვლინება შესძლეს და “გრანადას” დამარცხება მოახერხეს.

შეხვედრაში ერთადერთი გოლის ავტორი დიეგო კოსტა გახდა. “ატლეტიკოს” საუკეთესო ბომბარდირმა “გრანადას” 63-ე წუთზე გაუტანა და საკუთარ გუნდს პრიმერაში ლიდერობა მოუტანა.

25/03/14

მალაგა 1-2 ესპანიოლი

გოლები: სერხიო გარსია 33′ (0:1); პერესი 34′ (1:1); პიცი 76′ (1:2)

26/03/14

ელჩე 0-0 ბილბაო

ბარსელონა 3-0 სელტა

გოლები: ნეიმარი 6′ ; მესი 30′ ; ნეიმარი 67′ 

რაიო ვალეკანო 1-0 ოსასუნა

გოლი: ლარივეი 90′ 

27/03/14

ატლეტიკო 1-0 გრანადა

გოლი: დიეგო კოსტა 63′ 

სევილია 2-1 რეალი

გოლები: რონალდუ 14′ (0:1); ბაკა 19′ ; 72′ (2:1)

ხეტაფე 0-1 ვილიარეალი

გოლი: პერბეტი 5′ 

სოსიედადი 1-0 ვალიადოლიდი

გოლი: ველა 23′

28/03/14

ლევანტე 1-3 ბეტისი

გოლები: სალვა სევილია 13′ (0:1); დიოპი 26′ (1:1); ხორხე მოლინა 70′ (1:2); რუბენ კასტრო 77′ (1:3)

ალმერია 2-2 ვალენსია

გოლები: კეიტა 1′ (0:1); ვარგასი 34′ (0:2); ოსკარ დიასი 53′ (1:2); კორონა 54′ (2:2)