პრიმერა დივიზიონის პრევიუ
ჩვენი საიტი ტრადიციულად გთავაზობთ ესპანეთის პრიმერა დივიზიონის მორიგი ტურის
რეალი – ვილიარეალი
ტურის ერთ-ერთი ყველაზე საინტერესო დაპირისპირება მადრიდში, “სანტიაგო ბერნაბეუზე” გაიმართება, სადაც მადრიდის “რეალი” “ვილიარელალს” უმასპინძლებს. ყვითლები პრიმერაში დაბრუნების შემდეგ საკმაოდ კარგს სეზონს ატარებან და ძველ პოზიციებს იბრუნებენ. “ვილიარეალი” მეხუთე პოზიციაზეა და საჩემპიონთალიგო მეოთხე პოზიციას მხოლოდ სამი ქულით ჩამორჩება. აღსანიშნავია ის გარემოებაც, რომ მადრიდელები ამ შეხვედრას კრიშტიანუ რონალდუს გარეშე ჩაატარებენ, რომლის აპელაციაც დაკმაყოფილებული არ იქნა და პორტუგალიელის სამმატჩიადი დისკვალიფიკაცია ძალაში რჩება. თუმცა, მიუხედავად საკადრო პრობლემებისა, მადრიდელები მაინც აშკარა ფავორიტებად რჩებიან ამ წყვილში.
“რეალი” – “ვილიარეალი” შაბათს გაიმართება და მას ხოსე გონსალესი განსჯის.
ალმერია – ატლეტიკო
წინა ტურში ერთპიროვნულად გალიდერებული მადრიდის “ატლეტიკო” აუტსაიდერ “ამერიას” ეწვევა და სავარაუდოდ ადვილადაც დაამარცხებს.
“ალმერიამ” გასულ ტურში მეტად პრინციპული მატჩი წააგო უშუალო კონკურენტ “ელჩესთან” და გასავარდნ ზონას 2 ქულის სხვაობაზე მიუახლოვდა. ბუნებრივია, ალმერიელები საკუთარ მოედანზე ეცდებიან სიტუაციის გამოსწორებას, მაგრამ დიეგო სიმეონეს გუნდთან ამის გაკეთება ძალიან რთული იქნება.
სევილია – ბარსელონა
გასულ ტურში “ვალენსიასთან” განცდილი საშინაო მარცხის შემდეგ “ბარსელონა” “სევილიას” ესტუმრება. სევილიელები საკმაოდ ცუდ ფორმაში ხვდებიან გრანდს. უნაი ემერის შეგირდებმა უკანასკნელ 4 შეხვედრაში შესაძლებელი 12-დან მხოლოდ 2 ქულის აღება მოახერხას. გარდა ამისა უკანსკნელ ორ მატჩში “სევილიამ” 6 გოლი გაუშვა, რაც დაცვის საკმაოდ სუსტ თამაშზე მეტყველებს, რასაც “ბარსა” არცერთ გუნდს არ პატიობს. თუმცა, “ვალენსიასთან” კატალონიელები სწორედ დაცვაში დაშვებული უხეში შეცდომების გამო დამარცხდნენ. ვნახოთ, მოახერხებენ თუ არა მარტინოს შეგირდები, ტრადიციულად რთულ თებერვლის თვეში, გასვლითი მატჩის მოგებას.
08/02/14
ესპანიოლი – გრანადა
ვალენსია – ბეტისი
რაიო ვალეკანო – მალაგა
რეალი – ვილიარეალი
09/02/14
ალმერია – ატლეტიკო
ოსასუნა – ხეტაფე
ვალიადოლიდი – ელჩე
სოსიედადი – ლევანტე
10/02/14
სევილია – ბარსელონა
11/02/14
სელტა – ბილბაო
