პრიმერა: მე-12 ტურის მიმოხილვა

თარიღი: ნოემბერი 24, 2014

Fanebi.com წარმოგიდგენთ პრიმერა დივიზიონის მე-12 ტურის მიმოხილვას.

ატლეტიკო – მალაგა

პრიმერას მე-12 ტური “ატლეტიკოსთვის” წარმატებული გამოდგა. მადრიდელებმა საკუთარ მოედანზე “მალაგა” მიიღეს, მეტოქეს 3-1 სძლიეს და მესამე პოზიციაზე აღზევდნენ.

ანგარიში სიმეონეს შეგირდებმა უკვე მე-12 წუთზე, ტიაგოს დარტყმით გახსნეს. ტაიმის დამთავრებამდე კი გრიზმანმა საკუთარი გუნდის უპირატესობა კიდევ უფრო გამოკვეთა.

მეორე ნახევარში “მალაგამ” სანტა კრუზის გოლით სხვაობა შეამცირა და შეხვედრას ინტრიგაც დაუბრუნდა. თუმცა, 83-ე წუთზე დიეგო გოდინმა მესემედ გაახარა მადრიდელი გულშემატკივრები და საბოლოო ანგარიშიც დააფიქსირა.

ეიბარი – რეალი

გათამაშების ლიდერმა მორიგი, მეათე დამაჯერებელი გამარჯვება მოიპოვა. გასულ ტურში “სამეფო კლუბი” “ეიბარს” ესტუმრა და მოკრძალებულ მეტოქეს ოთხი უპასუხო გოლი გაუტანა.

ანგარიში 23-ე წუთზე ხამეს როდრიგესმა გახსნა, ზუსტად 20 წუთში კი მასპინძელთა კარი კრიშტიანუ რონალდუმაც დალაშქრა. პირველის მსგავსად მეორე ნახევარშიც ორი გოლი გავიდა. 69-ე წუთზე კარიმ ბენზემამ უპირატესობა სამბურთიანი გახადა, ხოლო მატჩის დამთავრებამდე 7 წუთით ადრე კრიშტიანუ რონალდუმ დუბლი გაიფორმა და საბოლოო ანგარიშიც დააფიქსირა.

ბარსელონა – სევილია

მე-12 ტურის ცენტრალურ დაპირისპირებაში “ბარსელონამ” “სევილია” მიიღო და მეტოქე დიდი ანგარიშით დაამარცხა.

შეხვედრა განსაკუთრებული ლეო მესის რეკორდითაც გახდა. არგენტინელმა შემტევმა ჰეთ-თრიკი შეასრულა და ესპანეთის ჩემპიონატების ისტორიაში საუკეთესო ბომბარდირის წოდებაც მოიპოვა.

მესის გარდა “ბარსას” შემადგენლობაში გოლები ნეიმარმა და რაკიტიჩმაც გაიტანეს, ხოლო ხორდი ალბამ თავი საკუთარ კარში გატანილი გოლით “გამოიჩინა”.

ტურის ყველა მატჩი და ევროპაბეთის კოეფიციენტები

21.11	23:45	ბილბაო	3:1	ესპანიოლი	დაწვრილებით
22.11	19:00	ატლეტიკო	3:1	მალაგა	დაწვრილებით
22.11	21:00	ეიბარი	0:4	რეალი	დაწვრილებით
22.11	23:00	ბარსელონა	5:1	სევილია	დაწვრილებით
23.11	1:00	დეპორტივო	0:0	სოსიედადი	დაწვრილებით
23.11	15:00	რაიო ვალეკანო	1:0	სელტა	დაწვრილებით
23.11	20:00	ლევანტე	2:1	ვალენსია	დაწვრილებით
23.11	22:00	ელჩე	2:2	კორდობა	დაწვრილებით
23.11	23:59	ვილიარეალი	2:1	ხეტაფე	დაწვრილებით
24.11	23:45	გრანადა	-:-	ალმერია	დაწვრილებით