პრიმერა: მე-20 ტურის მიმოხილვა
Fanebi.com ესპანეთის პრიმერა დივიზიონის მე-20 ტურის მიმოხილვასწარმოგიდგენთ.
კორდობა – რეალი
აუტსაიდერისა და ლიდერის სერთი შეხედვით არაფრით გამორჩეული დაპირისპირება ტურის ყველაზე სკანდალურ მატჩად იქცა.
მადრიდის “რეალს” “კორდობასთან” გამარჯვების მოპოვება ძალიან გაუჭირდა. მასპინძლები მატჩის დებიუტში ღილასის მიერ გატანილი პენალტით დაწინაურდნენ. მადრიდელებმა შესვენებამდე კი გაათანაბრეს, თუმცა ბენზემას გოლის შემდეგაც “სამეფო კლუბის” თამაში უკეთესის სურვილს ტოვებდა. მეორე ტაიმში მადრიდელები გოლის გატანას ვერ ახერხებდნენ. 82-ე წუთზე კი რონალდუს არასპორტული საქციელის გამო რიცხობრივ უმცირესობაში დარჩენენ. თუმცა, მოედანზე მოთამაშეთა რაოდენობა სულ რაღაც 5 წუთში გათანაბრდა, რის შემდეგაც ბეილმა 11-მეტრიანით საკუთარ გუნდს რთული სამი ქულა მოუტანა.
ელჩე – ბარსელონა
მადრიდელთა მთავარმა კონკურენტმა კი განსაკუთრებული სირთულეების გარეშე იმარჯვა. “ბარსა” ბოლო დროს შესანიშნავ ფორმაშია, რაც გასული ტურის შეხვედრაშიც კიდევ ერთხელ დამტკიცდა. კატალონიელებმა მოკრძალებულ მეტოქეს 6 უპასუხო ბურთი გაუტანეს.
ანგარიში პიკემ 35-ე წუთზე გახსნა და ტაიმიც “ბარსას” მინიმალური გამარჯვებით დასრულდა. მეორე ნახევარში კი “ელჩეს” რბევა 55-ე წუთიდან მესიმ განაგრძო. არგენტინელ თანაგუნდელს ბრაზილიელმა ნეიმარმა მიბაძა, რომელმაც ორჯერ დალაშქრა მეტოქის კარი. მატჩის უკანასკნელ წუთებზე კი ჯერ მესიმს გაიფორმა დუბლი, შემდეგ კი პედრომ დააფიქსირა საბოლოო შედეგი.
ვალენსია – სევილია
ტურის ცენტრალური დაპირისპირება მასპინძელთა გამარჯვებით დასრულდა. ვალენსიელებმა მათთვის სეზონის ერთ-ერთი ყველაზე პრინიპული მატჩი დამაჯერებლად მოიგეს და სევილიელებს მეოთხე პოზიცია წაართვეს.
მასპინძლები მატჩის მე-18 წუთზე დანი პარეხომ დააწინაურა, რომელმაც მალევე დუბლი გაიფორმა, თუმცა სულ რაღაც 4 წუთში ბაკამ სხვაობა შეამცირა. “ვალენსიამ” სტატუს-ქვო შესვენების შემდეგ აღადგინეს. 56-ე წუთზე ხავი ფუეგომ საბოლოო ანგარიშის დაფიქსირება შეძლო. “ვალენსიამ” და “სევილიამ” სატურნირო ცხრილში ადგილები გაცვალეს. ღამურები ანდალუსიელებს 2 ქულით უსწრებენ, თუმცა “სევილიას” ერთი შეხვედით ნაკლები აქვს ჩატარებული.
ტურის ყველა მატჩი
| 24.01 | 19:00 | კორდობა |  |
1:2 |  |
რეალი | დაწვრილებით | |
| 24.01 | 21:00 | ელჩე |  |
0:6 |  |
ბარსელონა | დაწვრილებით | |
| 24.01 | 23:00 | ატლეტიკო |  |
3:1 |  |
რაიო ვალეკანო | დაწვრილებით | |
| 25.01 | 1:00 | რეალ სოსიედადი |  |
1:0 |  |
ეიბარი | დაწვრილებით | |
| 25.01 | 1:00 | ვილიარეალი |  |
1:0 |  |
ლევანტე | დაწვრილებით | |
| 25.01 | 15:00 | დეპორტივო |  |
2:2 |  |
გრანადა | დაწვრილებით | |
| 25.01 | 20:00 | ბილბაო |  |
1:1 |  |
მალაგა | დაწვრილებით | |
| 25.01 | 22:00 | ესპანიოლი |  |
3:0 |  |
ალმერია | დაწვრილებით | |
| 25.01 | 23:55 | ვალენსია |  |
3:1 |  |
სევილია | დაწვრილებით | |
| 26.01 | 23:45 | ხეტაფე |  |
-:- |  |
სელტა | დაწვრილებით |
