პროგნოზისტთა კონკურსი დაბრუნდა!
იწყება ახალი საფეხბურთო სეზონი და იწყება ჩვენი კონკურსებიც.
კვლავ დაბრუნდა პროგნოზისტთა კონკურსი, რომელსაც წინა სეზონშიც ვატარებდით, თუმცა ოდნავ განსხვავებული სახით. როგორც მოგეხსენებათ, მსოფლიოს ჩემპიონატის დროს ჩვენი და Europe bet-ის ერთობლივი პროექტი “სამუნდიალე კონკურსი” მიმდინარეობდა. სწორედ ანალოგიური წესებით ჩატარდება ახალი პროგნოზისტთა კონკურსიც.
კერძოდ, ყოველკვირეულად ჩვენს საიტზე არსებული ჩემპიონატების რამდენიმე მატჩზე შემოგთავაზებთ 4 შეკითხვას. გამარჯვებულად ჩაითვლება ის პირველი 5 რეგისტრირებული მომხმარებელი, რომელიც ყველაზე მეტ სწორ პასუხს გამოიცნობს. 4-ივე კითხვაზე სწორი პასუხის ავტორს Europe bet-ის ანგარიშზე 10 ლარი დაერიცხება. თუ გამარჯვებულთა სიაში 3 სწორი პასუხის ავტორებიც მოხვდებიან, მათ 5 ლარი დაერიცხებათ.
ერთი IP მისამართიდან მხოლოდ ერთი (პირველი) კომენტარი მიიღება, დანარჩენი კი უგულებელყოფილი იქნება.
პროგნოზისტთა კონკურსი სტარტს ამ კვირიდან იღებს. პირველ საკონკურსო მატჩს დღესვე შემოგთავაზებთ, ამიტომ ყურადღებით იყავით.
გისურვებთ წარმატებებს!
