„პსჟ“ იანუზაის სანაცვლოდ სოლიდურ თანხას იხდის

თარიღი: თებერვალი 6, 2014

„პარი სენ-ჟერმენი“ „მანჩესტერ იუნაიტედის“ ნახევარმცველ ადნან იანუზაის ტრანსფერის გაჩარხვას შეეცდება.

„დეილი სთარის“ მიერ გავრცელებული ინფორმაციის თანახმად, პარიზული კლუბი მზად არის, 19 წლის ბელგიელი ფეხბურთელის სანაცვლოდ 40 მილიონი ფუნტ სტერლინგი გაიღოს. მანამდე „მანჩესტერ იუნაიტედის“ ხელმძღვანელობამ განაცხადა, რომ კლუბი არ აპირებს იანუზაის გაშვებას, რომელიც „წითელი ეშმაკების“ ღირსებას 2011 წლიდან იცავს.

ცნობისთვის, მიმდინარე სეზონში ახალგაზრდა ფეხბურთელმა ინგლისის პრემიერლიგის 17 მატჩში მიიღო მონაწილეობა და 3 გოლიც გაიტანა. შეგახსენებთ იმასაც, რომ იანუზაი „მანჩესტერ იუნაიტედის“ იანვრის თვის საუკეთესო ფეხბურთელად დაასახელეს.

ბექა დოგრაშვილი

მსგავსი სიახლეები