ქალთა ეროვნული ნაკრები ევროშესარჩევს შემოდგომიდან დაიწყებს – პირველი კომენტარები

თარიღი: აპრილი 21, 2015

2015 წლის შემოდგომაზე, პირველად, დებიუტანტი საქართველოს ქალთა ეროვნული საფეხბურთო ნაკრები ევროპის ჩემპიონატის შესარჩევ ეტაპს ითამაშებს.

ნიონში გამართულმა წილისყრამ, რომელსაც უეფას აღმასკომის წევრი – კარენ ესპელუნდი და უეფას გენერალური მდივანი – ჯანი ინფანტინო უძღვებოდნენ, F ჯგუფში მოგვახვედრა და მეტოქეებად იტალიის, შვეიცარიის, ჩეხეთისა და ჩრდილოეთ ირლანდიის ნაკრებები გვარგუნა.

ევროშესარჩევი სექტემბრიდან დაიწყება. მანამდე კი, ჩვენი ნაკრები, თამაზ კოსტავას ხელმძღვანელობით, გაწერილი გეგმის მიხედვით მოემზადება.

წილისყრის შედეგებისა და მეტოქეების შესახებ სფფ-ის ოფიციალურ ვებ-გვერდთან კომენტარი გააკეთა თურქეთში მოთამაშე ქართველმა ლეგიონერმა, ქალთა ეროვნული ნაკრების ერთ-ერთმა ყველაზე გამოცდილმა მოთამაშემ – ნინო პასიკაშვილმა.

ნინო პასიკაშვილი: „დიდი ხანია ამ ეტაპზე გასასვლელად ვიბრძვით და შეიძლება ითქვას, ოცნებადაც კი გვქონდა ქცეული ჯგუფურ ეტაპზე თამაში.დადგა დრო, ჩვენი ქვეყნისთვის და ყველა იმ სკეპტიკურად განწყობილი ადამიანისთვის დაგვემტკიცებინა, რომ ჩვენ ბევრი რამ შეგვიძლია მოედანზე და გარკვეულწილად, სტერეოტიპების დანგრევაც შევძელით.

რაც შეეხება წილისყრას, შეიძლება ვინმეს ჩემი აზრი უცნაურად მოეჩვენოს, მაგრამ მიხარია, რომ ამ ჯგუფში მოვხვდით. ყველა დამეთანხმება, რომ ჩვენნაირ ახალბედა გუნდს მსოფლიოს ჩემპიონებთან თამაშში შანსი არ ექნებოდა. აგრეთვე, ისეთ ნაკრებებთან, როგორიცაა ინგლისი, საფრანგეთი, დანია და ა.შ.

გულწრფელად გეტყვით, ძალიან გამიხარდა, რომ რუსეთის ნაკრები ჩვენს ჯგუფში არ მოხვდა… ამასთან, იყო ნაკრებები, ვისთანაც თამაში მინდოდა; მაგალითად, თურქეთი, ბელორუსი, უკრაინა, რუმინეთი, რადგან იქ ჩემი მეგობრები თამაშობენ. ბევრჯერ გვისაუბრია სანაკრებო თამაშებზე და ერთმანეთის წინააღმდეგ გვინდოდა თამაში.

კონკრეტულად ჩვენს ჯგუფზე რომ ვისაუბროთ, ვთვლი, რომ იტალიის ნაკრები ძალიან ძლიერი გუნდია, თუმცა, სტაბილურობით ნამდვილად არ გამოირჩევიან და მათთვის ღირსეული წინააღმდეგობის გაწევა შეგვიძლია. გასულ ევროპისა და მსოფლიო ჩემპიონატებზე მათ თამაშს თვალყურს ვადევნებდი. შეიძლება ითქვას, რომ მათზე გარკვეული წარმოდგენა და ინფორმაცია მაქვს. შვეიცარიის ნაკრებს რაც შეეხება, მიხარია, რომ ამ გუნდს შევხვდებით და ჩემი საყვარელი ფეხბურთელის წინააღმდეგ ვითამაშებ – ლარა დიკენმანის.

ჩეხეთისა და ჩრდ.ირლანდიის ნაკრებებზე რომ ვისაუბროთ, ვფიქრობ, ისეთი რთული თამაშები არ იქნება, როგორც იტალიასთან და შვეიცარიასთან. მიუხედავად იმისა, რომ ჩვენ დებიუტანტები ვართ, ჩვენთან იოლი გასეირნება არავის ექნება. არც ყრუ დაცვაში ჩამჯდარ ფეხბურთს ვითამაშებთ და არავისთან არაფრის დათმობას არ ვაპირებთ. ჩვენ გვაქვს იმის რესურსი, რომ ყველასთან ვიბრძოლოთ. ნაკრებში ათი ლეგიონერია და ყველა სტაბილურად თამაშობს თავისი კლუბის ძირითად შემადგენლობაში.

მოსამზადებელ ეტაპს დიდი მონდომებით გავივლით. როგორც ვიცი, დაგეგმილია ამხანაგური თამაშები. ჯგუფიდან გასვლა ვის არ უნდა, თუმცა, ამ ეტაპზე ეგ შეუძლებლად მიმაჩნია. ჩვენს გულშემატკივარს ვპირდებით, რომ თავს არ დავზოგავთ და ბოლომდე ვიბრძოლებთ. ჩვენი ნაკრები თანდათან ძლიერდება და ვფიქრობ, სექტემბრისთვის სასურველ კონდიციებში ვიქნებით.“

 

სფფ-ის პრესსამსახური

მსგავსი სიახლეები
ფეხბურთი

“საბურთალომ” და “ტორპედომ” უკრაინელი ფეხბურთელები დაიმატეს

თბილისის “საბურთალომ” უკრაინის ასაკობრივი ნაკრების ფეხბურთელი, ოლექსანდრ ბელიაევი დაიმატა. ქუთაისის “ტორპედომ” უკრაინის ასაკობ...
წაკითხვა
ფეხბურთი

ლუკა ზარანდია “ტობოლში” ითამაშებს

ბელგიური “ზულტე ვარეგემის” ფეხბურთელი ლუკა ზარანდია სეზონის ბოლომდე, იჯარით, ყაზახურ “ტობოლში” ითამაშებს. ქართველმა შემტევმა &...
წაკითხვა
ფეხბურთი

კლოპმა განმარტა, თუ რატომ შეცვალა მანე პირველი ტაიმის შემდეგ

“ლივერპულის” მთავარმა მწვრთნელმა, იურგენ კლოპმა მადრიდის “ატლეტიკოსთან” განცდილი მარცხის შემდეგ კომენტარი გააკეთა. როგორც იცით...
წაკითხვა
ფეხბურთი

ჰოლანდი: “ვგრძნობ, რომ მეტი შემიძლია”

დორტმუნდის “ბორუსიას” თავდამსხმელმა, ერლინგ ჰოლანდმა “პარი სენ-ჟერმენთან” გამართული მატჩის შემდეგ კომენტარი გააკეთა. როგორც იც...
წაკითხვა
ფეხბურთი

რობერტსონი: “ატლეტიკომ” გამარჯვება ისე აღნიშნა, თითქოს ისინი მეოთხედფინალში გა

“ლივერპულის” მარცხენა მცველმა, ენდი რობერტსონმა მადრიდის “ატლეტიკოსთან” გამართული მატჩის შემდეგ კომენტარი გააკეთა. როგორც იცით...
წაკითხვა
ფეხბურთი

“ატლეტიკო” — “ლივერპული” (ვიდეომიმოხილვა)

უეფას ჩემპიონთა ლიგის მერვედფინალურ ეტაპზე მადრიდის “ატლეტიკოსა” და “ლივერპულს” შორის პირველი მატჩი გაიმართა, რომელიც ესპანელთ...
წაკითხვა
ფეხბურთი

“დორტმუნდი” — “პსჟ” (ვიდეომიმოხილვა)

უეფას ჩემპიონთა ლიგის მერვედფინალურ ეტაპზე დორტმუნდის “ბორუსიასა” და “პარი სენ-ჟერმენს” შორის პირველი მატჩი გაიმართა, რომელიც ...
წაკითხვა
ფეხბურთი

ჰოლანდის გოლი “პარი სენ-ჟერმენის” კარში (ვიდეო)

იხილეთ ვიდეო GOAL! 1-0⚽️ @ErlingHaaland #BVBPSG pic.twitter.com/lSBTAw0bdj — Borussen ✍🏼 (@BorussenEdits) February 18, 2020...
წაკითხვა
ფეხბურთი

“ატლეტიკო” – “ლივერპული” (სასტარტო შემადგენლობები)

დღეს, უეფას ჩემპიონთა ლიგის მერვედფინალურ ეტაპზე მადრიდის “ატლეტიკო” საკუთარ მოედანზე “ლივერპულს” დაუპირისპირდება. უკვე ცნობილ...
წაკითხვა
ფეხბურთი

დელ პიერო: “სალაჰი უკვე ღმერთია – არა მხოლოდ ეგვიპტეში”

ტურინის “იუვენტუსის” ლეგენდამ, ალესანდრო დელ პიერომ, “ლივერპულის” ვარსკვლავ მოჰამედ სალაჰს შეაქო, რომელიც ინგლისში 2017 წლიდან...
წაკითხვა
ფეხბურთი

ფიგუ: “მბაპე “რეალისთვის” დიდებული შენაძენი იქნებოდა”

პორტუგალიური ფეხბურთის ლეგენდა ლუიშ ფიგუ მიიჩნევს, რომ კილიან მბაპე ამ დროისთვის მსოფლიოში ერთ-ერთი საუკეთესო ფეხბურთელია […]...
წაკითხვა
ფეხბურთი

კლოპი: “მე თუ მეოთხე დონეზე ვარ, მაშინ სიმეონე მეთორმეტეზეა”

იურგენ კლოპი, რომელიც საფეხბურთო სამყაროში წარმატებულობასთან ერთად თავისი ქარიზმატულობითაც გამოირჩევა, აღნიშნავს, რომ დიეგო სიმეონე მასზე […]...
წაკითხვა