ქართული ფეხბურთის მშვენება

თარიღი: მაისი 7, 2015

საქართველოს ჩემპიონატი მაყურებლებს დიდი სანაობით რომ ვერ ანებივრებს, ამაზე მატჩების ხარისხი, ჩვეულებრივი მაყურებლების დასწრება და კიდევ არაერთი ფაქტი მეტყველებს. თუმცა, ყველაფერს პატარა ნათელი წერტილიც აქვს – გამონაკლისს არც უმაღლესი ლიგა წარმოადგენს. თბილისის „დინამოსა“ და ქუთაისის „ტორპედოს“ დაპირისპირება ყოველთვის ჩემპიონატის მშვენებად ითვლებოდა – ამ ორი გუნდის ყოველი შეხვედრა, როგორც მოედანზე, ისე ტრიბუნებზე, დაძაბულობის პიკს აღწევს და ორივე მხარეს თავისი ქალაქის გუნდის პრინციპული მეტოქის დამარცხების დიდი სურვილი აქვს. ამას თუნდაც შაბათს გამართული შეხვედრა ადასტურებს.

ჯამში „დინამოსა“ და „ტორპედოს“ შორის საქართველოს ჩემპიონატის ეგიდით 59 მატჩი ჩატარდა. აქედან 30 შეხვედრა თბილისელებმა მოიგეს, 14 მატჩი ფრედ დასრულდა, 15 თამაშში კი ქუთაისელებმა იმარჯვეს.

იმ სეზონში, როდესაც „ტორპედო“ უმაღლეს ლიგას დაემშვიდობა, ქუთაისში გამართული შეხვედრა თბილისელთა დამაჯერებელი გამარჯვებით, 5:0 დასრულდა. 2010 წელს უმაღლეს ლიგაში დაბრუნებულმა „ტორპედომ“ თბილისელებთან პირველ ოქტომბერს გამართული შეხვედრა ფრედ 1:1 დაასრულა, ბოლო წრეში თბილისში გამართულ მატჩში კი ქუთაისელებმა ანგარიშით 2:1 იმარჯვეს.

საინტერესო იყო 2011/12 წლების სეზონის შეხვედრები. იმ სეზონის დაწყების წინ „დინამოში“ დიდი ცვლილებები განხორციელდა – კლუბი რომან ფიფიამ შეიძინა და ამ პერიოდში მთავარი მწვრთნელის პოსტზე ალექს გარსიას დანიშვნასთან ერთად აღსანიშნავი ჩისკოს, მიკელ ალვაროს, ალბერტ იაგუესა და კოტოს ტრანსფერებიც იყო. ამ მოთამაშეებზე დიდ იმედს ამყარებდნენ, კლუბმა კი დიდი მიზნები დაისახა. იმ სეზონში „დინამო“ უეფას ევროპის ლიგის პლეიოფამდეც მივიდა, სადაც ათენის აეკ-თან დამატებით დროში გოლი გაუშვა და ევროპის რანგით მეორე პრესტიჟული საკლუბო ტურნირის ჯგუფური ეტაპის მიღმა დარჩა.

„ქართულ კლასიკოდ“ წოდებული პირველი შეხვედრა იმ სეზონის ოქტომბერში შედგა, როდესაც გადატანილ მატჩში „ტორპედომ“ შინ ანგარიშით 2:1 გაიმარჯვა, თუმცა თვენახევარში თბილისურ შეხვედრაში „დინამოელებმა“ რევანში აიღეს და ანგარიშით 2:0 მოიგეს. იმავე სეზონში ქუთაისში შემდგარი მეორე შეხვედრა ფრედ, 1:1 დასრულდა, მაისში კი „დინამო“ შინ მინიმალური ანგარიშით 0:1 დამარცხდა.

გამორჩეული გამოდგა 2012/13 წლების სეზონის მატჩები. თბილისელთა და ქუთათურთა პირველი შეხვედრა თბილისში, 18 აგვისტოს გაიმართა. უკვე მეშვიდე წუთზე სტუმრები ალექსანდრე კვახაძემ დააწინაურა, ოთხ წუთში კი დანიშნული პენალტით ანგარიში ჩისკომ გაათანაბრა. ზუსტად ერთ წუთში „ტორპედო“ კვლავ დაწინაურდა, ამჯერად თავი ელგუჯა გრიგალაშვილმა გამოიჩინა. ორწუთიან ინტერვალში ნიკოლოზ ფირცხალავას ორი ყვითელი ბარათის შემდეგ „ტორპედო“ კაცნაკლული დარჩა. სათქმელია, რომ იმ მატჩში ეს ერთადერთი გაძევება არ ყოფილა, ყველაზე საინტერესო მოვლენები მეორე ტაიმშიც მოხდა. „დინამოს“ აქტიურობამ და კარგმა თამაშმა მე-40 წუთზე შედეგი გამოიღო, როდესაც ჩისკომ დუბლი მიითვალა.

მეორე ნახევრის 73-ე წუთამდე ანგარიში უცვლელი იყო, შემდეგ კი თავი თბილისელთა მაშინდელმა კიდევ ერთმა ესპანელმა ლეგიონერმა მიკელ ალვარომ გამოიჩინა, რომელმაც შორეული დარტყმით თავისი გუნდი წინ გაიყვანა და, როგორც აღმოჩნდა, ტაბლოზე საბოლოო ანგარიში – 3:2 დააფიქსირა. ალვაროს გოლის შემდეგ სამ წუთში მეორე ყვითელი ბარათი გიორგი რეხვიაშვილმა მიიღო. 88-ე წუთზე ოთარ ხიზანეიშვილმა მეტოქე თამაშის წესის დარღვევით შეაჩერა, მსაჯმა კი ის ეპიზოდი ბოლო იმედის ჯარიმად შეაფასა და, შესაბამისად, „დინამოს“ მცველი გააძევა. რამდენადაც გასაკვირი არ უნდა იყოს, ეს ბოლო წითელი ბარათი არ ყოფილა, მსაჯის მიერ კომპენსირებულ დროში მთავარ არბიტრს მეკარე თორნიკე ზარქუას გაძევებაც მოუწია, რომელსაც ქუთაისიდან ჩამოსულ ფანებთან შელაპარაკება მოუვიდა. საბოლოოდ, 8 კაცით დარჩენილმა „დინამომ“ 10-კაციან მეტოქეს პრინციპულ შეხვედრაში მოუგო.

დაძაბული ამ გუნდების მეორე წრის დაპირისპირებაც გამოდგა. ორ ნოემბერს გუნდები ერთმანეთს ქუთასში შეხვედნენ და თამაში ამჯერადაც უხვგოლიანი გამოდგა. 29-ე წუთზე ანგარიში ელგუჯა გრიგალაშვილმა გახსნა, რვა წუთში კი წონასწორობა ჯაბა დვალმა აღადგინა. მეორე ნახევარში „ტორპედო“ კვლავ დაწინაურდა, 53-ე წუთზე გრიგალაშვილმა დუბლი შეასრულა. ქუთათურები „დინამოს“ ესპანელმა ლეგიონერმა მიკელ ალვარომ ამჯერადაც დაამწუხრა – 68-ე წუთზე დანიშნული საჯარიმო დარტყმის მეტოქის ნახევრში ჩაწოდებულს სწორედ ესპანელი ნახევარმცველი გამოეხმაურა, რომელმაც ანგარიში გაათანაბრა. საბოლოოდ, იმ მატჩში ორივე გუნდი ერთმანეთს დაუზავდა.

როგორც შემდგომ გაირკვა, მატჩის მიმდინარეობისას „ტორპედოს“ რამდენიმე მხარდაჭერმა თბილისის „დინამოს“ ფანკლუბ „გლადიატორების“ ავტობუსს ქვები ესროლა.

იმ სეზონის მესამე „ქართული დერბი“ ისევ ქუთაისში შედგა, რომელიც კვლავ ფრედ დასრულდა. 29-ე წუთზე ანგარიში გიორგი ბერიაშვილმა გახსნა. პირველი ნახევრის დასრულებამდე 2 წუთით ადრე კი წონასწორობა ჩისკომ აღადგინა.

აღსანიშნავია, რომ ეს ჯერჯერობით ბოლო „ქართული დერბია“, რომელშიც „ტორპედო“ არ დამარცხებოდა. „დინამოს“ ქუთაისელებთან მოგებათა სერია იმ სეზონის ბოლო პრინციპული მატჩის შემდეგ დაიწყო. ოთხ მაისს უკვე გაჩემპიონებული დუშან უჰრინის ფეხბურთელები იმერლებს „დინამო არენაზე“ მასპინძლობდნენ, მატჩის შემდეგ კი უმაღლესი ლიგის თასი უნდა მიეღოთ, ასე რომ, პრინციპული მეტოქის დამარცხება ორმაგად სასიამოვნო უნდა ყოფილიყო.

ხსენებული თამაში მასპინძელთა უპირატესობით დაიწყო – უკვე მე-16 წუთზე უჰრინის გუნდი დვალის ჩინებული გოლით დაწინაურდა – თავდამსხმელმა რამდენიმე მცველი ელეგანტურად მოატყუა და არც მეკარის მოტყუება გაუჭირდა. მიკელ ალვარომ თავი ამჯერადაც გამოიჩინა – „დინამოს“ მაშინდელმა თერთმეტმა ნომერმა გოლი მე-40 წუთზე გაიტანა და თავისი გუნდის უპირატესობა ორამდე გაზარდა. ანგარიში 79-ე წუთამდე არ შეცვლილა, რის შემდეგაც დვალმა დუბლი შეასრულა. წერტილი კი 87-ე წუთზე პეტერ გრაიციარმა დასვა – „დინამომ“ მეტოქე დამაჯერებლად დაამარცხა და შეხვედრის შემდეგ მოედანზე შესულ ფანებთან ერთად ჩემპიონატის მოგებაც აღნიშნა.

იმ სეზონში თბილისელებმა 78 ქულა დააგროვეს და უახლოეს მდევარ გორის „დილას“ 10 ქულით აჯობეს.

2013/14 წლების სეზონის პირველი შეხვედრა მეტად საინტერესო გამოვიდა. მატჩის უკვე მე-3 წუთზე მსაჯმა „დინამოს“ ესპანელი მცველი უსტარიცი ბოლო იმედის ჯარიმის შემდეგ გააძევა – მთელი შეხვედრის განმავლობაში მასპინძლები უმცირესობაში თამაშობდნენ. ანგარიში კი 32-ე წუთზე სტუმრებმა თორნიკე კაპანაძის გოლით გახსნეს. აღსანიშნავია, რომ პირველი ტაიმის ბოლო „ტორპედოს“ კარის მიმართლებით პენალტი დაინიშნა, რომელიც ჯაბა დვალმა ვერ გამოიყენა. მანამდე კი, ორივე გუნდის ფანებს შორის შეტაკებაც მოხდა.

მეორე ტაიმში „დინამო“ ანგარიშით გათანაბრებას ცდილობდა, მიზანს კი მხოლოდ 78-ე წუთზე მიაღწია, როდესაც „ტორპედოს“ კარის მიმართულებით კვლავ პენალტი დაინიშნა. ამჯერად თერთმეტმეტრიანის ნიშნულთან ლევან ხმალაძე მივიდა, რომელიც, დვალთან შედარებით, ზუსტი აღმოჩნდა – 1:1. დარჩენილ დროში „დინამო“ შეტევას აგრძელებდა, ერთ-ერთი კარგი შანსი პატრიკ ვუოს ჰქონდა, რომლის დარტყმული მეკარე მაქსიმე ქვილითაიას კარს სულ მცირე მანძილით ასცდა. მსაჯის მიერ კომპენსირებული დროის პირველ წუთზე კუთხურის შემდეგ ძლიერი დარტყმით გიორგი გველესიანმა თავისი გუნდი დააწინაურა და ტაბლოზე საბოლოო ანგარიში – 2:1 დააფიქსირა. საბოლოოდ, 10 კაცით თამაშის მიუხედავად, „დინამომ“ აქტივში მნიშვნელოვანი 3 ქულა ჩაიწერა.

მეორე წრის მატჩი საზოგადოებისთვის საინეტერესო მის დაწყებამდეც იყო. „დინამომ“ ანგარიში სწრაფადვე გახსნა – მე-9 წუთზე თავისი გუნდი გიორგი პაპუნაშვილა დააწინაურა, 8 წუთში კი მეორე გოლი მერებაშვილმაც გაიტანა. 58-ე წუთზე შეხვედრა მოედანზე შეჭრილი „ტორპედოს“ ფანების გამო შეწყდა, რის გამოც მასპინძლებს ტექნიკური მარცხი – 0:3 ჩაეთვალათ.

მიმდინარე სეზონის პირველი მატჩი ამ გუნდებს შორის ქუთაისში შედგა. ანგარიში ამჯერადაც „ტორპედომ“ გახსნა – 28-ე წუთზე თავისი გუნდი თენგიზ ჩიკვილაძემ დააწინაურა. პირველი ნახევარი „ტორპეოდს“ გამარჯვებით, 1:0 დასრულდა. მეორე ტაიმში „დინამო“ ანგარიშის გათანაბრებას ცდილობდა, რასაც შედეგი 66-ე წუთზე მოყვა, როდესაც საჯარიმოს ხაზიდან ზუსტი დარტყმით ნიკა საბანაძე გამოირჩა, რომელმაც ათ წუთში მეორე გოლიც გაიტანა. აღსანიშნავია, რომ დუბლის ავტორმა ყოფილი გუნდის კარში არც ერთი გოლი არ აღნიშნა. მეტიც, ზამთრის სატრანსფერო ფანჯრის დროს საბანაძე კვლავ ქუთაისში დაბრუნდა.

გასულ შაბათს გამართული შეხვედრა, რომელიც „დინამომ“ ამჯერად 3:2 მოიგო, მიმდინარე სეზონის საუკეთესო შეხვედრად უნდა დასახელდეს. მატჩმა უბრალო მაყურებლის ინტერესიც მიიბყრო და ღრუბლიანი ამინდის მიუხედავად, არამხოლოდ „დინამო არენას“ ფანსქეტორები შეივსო (იხილეთ დაწვრილებით მიმოხილვა).

უშეღავათო ბრძოლა, თამაში ბოლო წუთამდე და მუდმივი დაძაბულობა – ასეთი დონის მატჩები საქართველოს ჩემპიონატში პროგრესის იმედსა და სტადიონზე სიარულის მიზეზს უნდა გვაძლევდნენ. გადახედეთ თუნდაც შეხვედრების ფოტო და ვიდეო მიმოხილვებს, დასკვნები კი თავად გამოიტანეთ.

მსგავსი სიახლეები
ფეხბურთი

“ბარსელონა” “აიაქსის” ფეხბურთელს იმატებს

ამსტერდამის “აიაქსის” მარჯვენაფლანგელი მცველი სერჟინიო დესტი “ბარსელონაში” სამედიცინო შემოწმებას გადის. გავრცელებული ინფორმაცი...
წაკითხვა
ფეხბურთი

ლეო მესი: “მინდა, ამ ყველაფერს წერტილი დავუსვა. შეცდომებზე პასუხს ვაგებ, მაგრამ̷

“ბარსელონას” ლიდერმა ლიონელ მესიმ გუნდის ფანებს მიმართა და “კამპ ნოუდან” მისი არშემდგარი აბარგების თაობაზე კომენტარი […...
წაკითხვა
ფეხბურთი

ერიკ დაიერის პოსტი სოციალურ ქსელში “ჩელსისთან” მატჩის შემდეგ (ფოტო)

29 სექტემბერს, ინგლისის ლიგის თასის მატჩში ერთმანეთს “ტოტენჰემი” და “ჩელსი” დაუპირისპირდნენ. შეხვედრის ძირითადი დრო ფრედ [&hel...
წაკითხვა
ფეხბურთი

“დინამო” ესპანელ “დავიდ ვილას” იმატებს, რომელსაც “ბარსელონას

თბილისის “დინამო” ესპანელ თავდამსხმელ კარლოს კასტრო გარსიას იმატებს, რომელიც ბოლოს “მალიორკაში” თამაშობდა. საფეხბურთო ექსპერტი...
წაკითხვა
ფეხბურთი

მოურინიოსა და ლამპარდის შელაპარაკება მატჩის მიმდინარეობისას (ვიდეო)

ინგლისის ლიგის თასზე ერთამენთს “ტოტენჰემი” და “ჩელსი” უპირისპირდებიან. პირველი ტაიმის მიმდინარეობისას, როცა ანგარიში “ჩე...
წაკითხვა
ფეხბურთი

“ატლეტიკოს” პრეზიდენტი: “თუ მესის სუარესთან ერთად თამაში უნდა, ყველაფერი

მადრიდის “ატლეტიკოს” პრეზიდენტმა ენრიკე სერესომ ლუის სუარესის ტრანსფერსა და ლიონელ მესის შესაძლო გადმობირებაზეც ისაუბრა. “ცხოვრებაში...
წაკითხვა
ფეხბურთი

რა ბედი ელის “არარატ-არმენიასა” და “ცრვენა ზვეზდას” მატჩს?

ჩვენ სამეზობლოში, აზერბაიჯანსა და სომხეთს შორის არსებული დაძაბული ურთიერთობიდან გამომდინარე, უეფამ “არარატ-არმენიასა” და “ცრვენა ზვე...
წაკითხვა
ფეხბურთი

ესპანური პრესა: უსმან დემბელეს პრემიერ ლიგაში ვიხილავთ

კატალონიის “ბარსელონას” შემტევი ნახევარმცველი, უსმან დემბელე, ინგლისის პრემიერ ლიგაში გადაბარგებასთან ახლოსაა. ინფორმაციას პოპულარული ესპა...
წაკითხვა
ფეხბურთი

რას წარმოადგენს ნორვეგიელი ჰაუგე, რომლის ტრანსფერშიც 5 მილიონს იხდიან?

გავლენიანი იტალიური გამოცემები, როგორებიც არიან Tuttomercato და Radio Rossonera, ადასტურებენ ინფორმაციას “მილანსა” და “ბოდო გლიმტს&#...
წაკითხვა
ფეხბურთი

ტიაგუ სილვა: “ემერის ავტორიტეტს პატივს ვცემ, მაგრამ…”

ლონდონის “ჩელსის” მცველმა ტიაგუ სილვამ განაცხადა, რომ “პარი სენ-ჟერმენის” ყოფილ მთავარ მწვრთნელ უნაი ემერისთან არცთუ […...
წაკითხვა
ფეხბურთი

რამდენი გამოიმუშავა ჟორჟე მენდეშმა ზაფხულის სატრანსფერო ფანჯარაზე?

ზაფხულის სატრანსფერო ფანჯარა ჟორჟე მენდეშისთვის საკმაოდ დატვირთული აღმოჩნდა. პორტუგალიელი აგენტის არაერთმა კლიენტმა შეიცვალა კლუბი, რაც […]...
წაკითხვა
ფეხბურთი

როცა ანდრეი შევჩენკომ საკუთარი დაბადების დღე თბილისში აღნიშნა (ვიდეო)

დღეს ლეგენდარული უკრაინელი ფეხბურთელი, ანდრეი შევჩენკო 44 წლის გახდა. ვეტერანმა თავდამსხმელმა სამი წლის წინ საკუთარი […]...
წაკითხვა
ფეხბურთი

პანდემია “ჯენოაში”: 14 კოვიდინფიცირებული

“ჯენოაში” დღევანდელი კოვიდშემოწმების შემდეგ 14 ტესტზე დადებითი პასუხი დაფიქსირდა. ინფიცირებულნი არიან როგორც ფეხბურთელები, ასევე კლუბის [&...
წაკითხვა