“ქეცბაია ხეზე იმალებოდა და ჟან-კლოდ ვან დამივით გადმოხტა”
“ნიუკასლის” ყოფილმა მცველმა სტივ ჰოუიმ თემურ ქეცბაიას შესახებ საინტერესო ისტორია მოჰყვა. ეს ის პერიოდია, როცა “ნიუკასლი” რუდ გულიტმა ჩაიბარა 1998-99 წელს და ფეხბურთელებმა ფეინთბოლის თამაში გადაწყვიტეს.
“ჩვენ ორ გუნდად გავიყავით და ბიჭები იმალებოდნენ. ჩემი გუნდი თემურის წინააღმდეგ იყო, ყველაფერი მორჩა, მაგრამ მისი პოვნა ვერ შევძელით. ის კამუფლაჟის ექსპერტი აღმოჩნდა და ხეებზე ყოფილა.”
“უბრალოდ, უკან ვბრუნდებოდით, თამაში დასრულებული იყო და ხეებიდან ჟან-კლოდ ვან დამივით გადმოხტა და იყვირა: “მოკვდით ინგლისელო ღორებო” და ყველა თემურს ვეუბნებოდით, რომ “დამთავრდა”, მაგრამ ის ამბობდა, რომ “არაფერია მორჩენილი”. მიდიოდა და კითხულობდა თუ სად იყო გულიტი, რადგან მისთვის სროლა უნდოდა”
“მე ვგულისხმობ, რომ ის ქართველია და ისინი ფიცხი და ემოციური ხალხია”- განაცხადა სტივმა.
ქეცბაია “ნიუკასლის” ლეგენდად ითვლება და “კაჭკაჭების” ფანებს ის განსაკუთრებულად უყვართ. ჰოუიმ აღნიშნა, რომ თემურს საქართველოში სამხედრო სამსახური აქვს გავლილი.
